بسم الله الرحمن الرحيم اخواتي هادي واحد الوصفة رائعة لجمال البشرة وكاتبان النتيجة في اول يوم نبداو علي بركة الله غانحتاجو قبطة المعدنوس مغسولة ومقطرة واحد الكاس ديال العنبة ماء الورد وجوج معالق صغار مايزينا وجوج معالق صغار حليب نيدو ومعلقة كبيرة عسل حرهنا في الصورة كاتبان ليكم معلقة صغيرة علاحكاش كان مازال مادوبتها الي ماعندكومش عاوضوها بالزيت اللوز او اركان وصابونة الطاووس ديال الزيت الزيتون .........غاتاخدو المعدنوس تقطعوه وزيدو عليه لمكونات لخرين طبعا من غير الصابون وتخلطوه وخويوه فمولينكس

وطحنوه مزياااااااااااااااان حتي تحصلو علي هاد الخليط ومبعد خدو الصابونة قطعوها وحطوها فشي كاسرونة طبعا ماكاتستعملوهاش في الاكل وخطوها فوق العافية[وغير الدوب زيدو فيها الخليط المعدنوس وتبداو تحركو بشي معلقة حتي يندمج الخليط مع بعض
وطفيو عليه وخدو القالب ديال المجمدوخويو فيه الخليط علي هاد الشكل

وباش ماتعطيش الريحة في الفريكو غلفوها فشي كاغط الومينيوم ودخلوها فشي ميكة بيضة عاد دخلوها المجمد باش تقصح وغير تقصح حيدوها من القالب

وخدو واحد الميكا بيضا عمرو فيها المكعبات
حيدو غير شنو تحتاجو والباقي رجعوه المجمد ولكن غلفوها فشي 3ولا 4دالميكات باش ماتطلق شي ريحة في الفريكو وسيرو غسلو بها الوجه وياااااااااااااااسلام نتيجة كاتبان من اول يوم صفاء ونقاوة وتبييض ونعومة مانكولكمش وماشي غاتغسلو بها الوجه فقط حتي الجسم جربووووها جربووووووووها جربووووووووووووووها ماغاديش تندمو وردو علي الخبار