كيكة بالجزر

كأس و ربع دقيق
1كأس سكر
2 خمارات حلوى
قليل ملح
1 ملعقة صغيرة قرفة
كأس إلا ربع زيت
  4 بيضات
ملعقة فانيليا
كأس جزر محكوك

 في صحن نخلط البيض مع السكر و الفانيليا و الزيت نضيف الجزر و ننخلط الدقيق مع القرفة و خمارات+ الملح + القرفة و تصب على الخليط شوية بشوية حتى تصير العجينة لزجة و متجانسة.

 ندهن المول بقليل من الزبدة و ندردر عليها الدقيق في كل الجوانب و نصب فيها الخليط و تترك 5 دقائق ترتاح و نكون سخنا الفرن منين تطيب تسقى بالسيرو وتزين باللوز ايفيلي والجزرات

طريقة عمل الجزرات باللوز

.ندوزو للتزيين كيبقى اختياري.
انا زينتها ب جزرات مشكلين بعجينة اللوز.
جربت هاد الطريقة بعجينة اللوز مطبوخة جاتني صحية اكتر.
باش نوجدوها كندير سيرو ب 100 غ ماء مع 250 غ سنيدة و كنخليها فوق نار هادئة حتى يولي تقيل تقريبا ف كتافة الزيت .
بالنسبة لبودرة اللوز اللي بغات تشريها واجدة مزيان هنات راسها و اللي بغات تصايبها ف الدار تشد اللوز تسلقو و تقشرو و تنشفو و ديرو مقلة سخونة مدة 10 مع التحريك على نار هادئة و من بعد طحنو وها بودرة اللوز جاهزة.
نرجعو للموضوع . كناخدو 200 غ بودرة اللوز و كنضيف عليها السيرو اللي و جدنا و هو سخون و خارج النار و كنحركو بسرعة من بعد كنزيدو ابيض بيضة مخفوقة قليلاهاد العملية كنكونو رجعناا الكسرونة فوق النار و كنخلوها مدة 3 دقائق لا اكتر مع التحريك من بعد كنكبو الخليط فوق 250 غ سكر كلاصي و نعجنو و ها العجينة ديالنا واجدة كنحتفظو بها فبلاستيك غدائي . ممكن تبقى فالتلاجة مدة شهرين .
لونت العجين باللون البرتقالي شكلت كرات ف وزن 20 غ و اعطيتها شكل جزرة و درت فيها اتار ب عود ديال الخشب باش نعطيها شكل الجزرة الطبيعي. و لونت شوية العجين باللون الاخضر و درت كرات صغيرة و ضغطت عليهم بعود الخشب باش نشكل الورقة. و زينت به الحلوى.
اللي ما عندهاش اللون البرتقالي تخلط اللون الاصفر و تزيد القليل من الملون الاحمر و غادي يولي عندها لون برتقالي وبصحة وراحة.