شباكية الوردة

المقادير

2 بيضات+1فاني +نصف كاس حليب +4ملاعق كبيرة مايزينة +2 ملاعق دقيق الطريقة
تخلط المقادير مع بعض ونسخن الالة الخاصة فى الزيت جيدا ونغمسها فى الخليط كما بالصور تقلى فى زيت سخونة حتى تحمر و
تسقى بالعسل وتزوق حسب الدوق باللوز مقلي ومهرمش وبالصحة والراحة

حلوى بحبة الهيل من عند شميشة

السلام عليكم ورحمة الله تعالى و بركاته

هذه حلوة سهلة و حلووة في رمضان
نعجن عجينة الورقة
 
  و نعمل منها كويرات متوسطة


  نمدد الكويرات باليد الى أن تصبح رقيقة و نطهوها نصف الطهي


 
  ثم نطوي الورقة على هذا الشكل...
 

 نقطعها...


نغمسها في العسل

 نزينها باللوز المهرمش أو الزنجلان أو سكر الصقيل حسب الإختيار... وتقدم بالصحة والعافية
 

هدو القنانيط ديال الشعرة من يدي

المقادير هاهما
1KG ورقة الشعرة
1kg اللوز
1/2kgسكر
شوية القرفة
شوية المسكة
شوية الماء زهر
شوية الزبدة
كنقشرو اللوز ونقليواه في الريت ضروري الزيت ونزولوه يبرد شوية ونطحنوه مزيان نضيف السكر ونعاودو الطحن مزيان تم نضيف باقي المقادير ونعملو منا صبيعات ندهنو الورقة الشعرة ونلويوها ومنين نساليو نعملوهوم في الفرن من جيبوهم من الفران نعسلوهوم وبصحة

بوشنيخة

3 كيسان طحين
نص كاس زبدة دايبة
2 م ك ماء الزهر
نص م خميرة حلوى وشوية من المعجونة
ملح
حليب غير شوية ويكون دافي
تعجن العجينة بالحليب وخاص تكون العجين شوية قاسح وتطلق بالمدلك وتقطع شرائط يعني مستطيل وتطلق فوق شي بلاستيك وتعمل فالة سباكيتي رقم 1 عاود رقم 4 وتقطع خيوط وتقلى وتطفى في العسل وترش اما باللوز مهرمش او كوكاو او نافع وبصحة وراحة نخليكم مع الصور.

بريوات باللوز

السلام عليكم ورحمة الله وبركاتة

كيف احوالكم اخواتي انشاء الله تكونو بالف خير
مقادير البريوات باللوز
اللوز على حسب الكمية الي بغيتو انا درت نصف كيلو مع 4 المعالق كبار الزبدة دايبة و2 معالق القرفة و السكر كلاصي على حساب الحلاوة الي كتبغي
صلقت اللوز وقليتو واطحنتو اوزت عليه جميع المقادير الي دكرت
انخليكم مع الصور موضحة كل شئ

 







قليتهم اوطفيتهم في العسل او الزنجلان

طريقة تحضير العسل

  

كل وحدة عندها طريقتها فتحضير العسل.وطريقتي انا هي هادي.
المقادير
2كيلو سكر قطع
1لتر ماء
2كيسان ماء زهر
حامضة صفراء مقسومة على2
كموسة فيها فليو زعتر قرفة عواد زعفران حر نافع حبة حلاوة ومسكة حرة
الطريقة
كنعمل كل المقادير في طنجرة على النار ومنين يغلي نقص العافية ونخليها مهيلة كيبقى يطيب مدة ساعتين ونصف الى ثلات ساعات وباش كنعرفو طاب كتولي الحامضة لونها بني.
ايوا غتقولو لي فين هو السر
السر هو انني كنضيف عليه منين يطيب 2 كسان العنبة من عسل جيد ماشي ضروري يكون حر.كاين بزاف دالانواع من العسل الجيد فالسوق بحال متلا عسل الياسمين الزمزمي النحلة السوداء........انا كنستعمل عسل Ruche d'or ممتاز يزاف كيعطي مذاق غزال للعسل وكدالك اللون.وكتجي الشباكية لذيييييييييييييييذة ولامعة وما كتنشفش من العسل.
وهاد العسل كنستعملو للبغرير والرغايف والبقلاوة واي حلوة معسلة.
اضيف ان العسل لي كيطيب مدة طويلة احسن حيت كياخد وقتو وما كيسكرش واخا يبقى مدة طويلة وسولو الناس لي كيبيعو الشباكية كيطيبوه ليلة كاملة على نار مهيلة وزمان كانو كيديروه على الفاخر.
نتمنى تعجبكم طريقتي وتجربوها .

سفوف

نبداو بسم الله

هادا نصف كيلو زنجلان مغسول منشف منقي محمر نصف كيلو لوزمصلوق مقلي وهادا الزرع مغربل من الحمرة والنخالة وحمرت كيلو نتوما ممكن تحمرو غير الفورص كيف المعتاد


من بعد درت في الميزان 160 كرام ديال سكر كلاصي وضفت ليها معلقة كبيرة نافع محمر ومطحون ومغربل ومعلقة كبيرة حبة حلاوة محمرة ومطحونة ومغربلة ومعلقة كبيرة قرفة مطحونة ومغربلة وحكيت نصف كوزة وصلت في الميزان تفريبا 200كرام باش نوصل ل500 كرام اي نصف كيلو ضفت الطحين المحمر والمغربل حتى كملت نصف كيلو وهاكدا اصبح عندي نصف كيلو طحين بداكشي لي ضفت ليه ونصف كيلو زنجلان ونصف كيلو لوز

بديت كنطحن المواد بتلاتة مخلطة في الطحانة ديال اللحم

غير الملاحظة لي نكولها ليكم خاصكم منين تكملو طحن المواد تعاودو تطحنوهم 2 مرات اخرين باش كيطلقو ليدام ديالهم وهادكا كنحصلو على سفوف ميدمين بلا حتى قطرة ديال الزيت او الزبدة

بالصحة والراحة

جربوهم والله الى مداقهم رائع وصحيين