كاشير بالدجاج

لمقادير و الطريقة:

300 غ كفتة الدجاج+100 غ سميدة رقيقة+3 فرماج مثلثات+3 بيض+2 معالق كبار معدنوس مفروم+1 كنور دجاج+6 معالق كبار زيت+3 ثوم+ملح+إبزار+سودانية أو هريسة حسب الرغبة أنا درت مزود فلفلة حارة مقطعة رقيقة+فلفلة حمرة حلوة غبرة
أنا آستعملت في الأول ميكة لي كتكون فيها سباكيتي كبيت فيها الخليط
ثم من بعد دورت عليها جوج دورات ديال فيلم أليمونطيغ
و أخيرا جوج دورات ورق الألمنيوم
ثم غتعملي الكاشير فطبسيل يدخل لفرن
فيه الما يغطي نصف الكاشير و خليه يطيب مدة ساعة قل ربع
و عينك ميزانك على حسب فرانك
كيطيب فحمام مريم لمدة 45 دقيقة وبصحة وراحة

 

الكيكة الرخامية

الكيكة الرخامية
4 بيضات ـ 2 كيسان صغار سنيدة ـ 2 كيسان صغار زيت ـ 2 خميرات حمرين ـ 1 دانون بنان ـ 4 ملاعق كبيرة كاكاو ـ الدقيق الكافي .
الطريقة :
نخلط البيض مع سنيدة جيدا + الزيت + دانون ، نخلط ثم نقسم الخليط الى قسمين : الاول : نضيف له الكاكاو و 1 خميرة + الدقيق الكافي ، الثاني : نضيف له 1 خميرة + الدقيق الكافي .
ناخذ مول مدهون و مرشوش نصب ملعقة من الخليط1 ثم فوقه ملعقة من الخليط2 و هكذا الى نهاية الخليطين ثم ندخلها الفرن وتزين بسكر كلاصي.
اترككم مع الصور:بصحة وراحة.

 

 

بسبوسة جد سهلة ولذيذة

المقادير :
5بيضات +2دانون فاني +2كيسان سكر + 2كيسان زيت +2كيسان دقيق + 2 كيسان سميدة الرقيقة (العبار بكأس دانون)
2خمارات حمر
الطريقة :
في آنية نمزج البيض + دانون +السكر +الزيت جيدا بعدها نضيف السميد والدقيق والخميرة
نمزج الكل جيدا ثم نصبه في مقلاة ثقيلة مدهونة بالزبدة ومرشوشة بالطحين ندخلها الى الفرن حتى تتحمر قليلا
في نفس الوقت نحضر السيرو باش نسقيو البسبوسة وهي ساخنة
السيرو ( الماء+السكر+الفاني )هضعهم فوق النار حتى يعقد مباشرة بعد خروج البسبوسة نسقيها بالسيرو انا هنا بقا ما زوقتها رشي عليها رقائق اللوز
ثم نعيدها الى الفرن لمدة تقريبا 5دقائق وبصحة وراحة.

 

صابلي بالكونفتير

‎250 غ زبدة
3 كيسان عنبة ديال سكر صقيل
3 بيضات
كاس زيت
2 ساشيات فاني + معلقة صغيرة خميرة الحلوى
دقيق حسب الخليط + 2 معالق ميزينا
للحشوة
مربى يكون سائل شوية
لون احمر الطريقة :
كنكونو ديجا مخرجين الزبدةة على حرارة المطبخ
و تنخدموها مع السكر و الفاني مزيان نزيدو الزيت تم نزيدو بالبيضة بالبيضة نزيدو ميزينا نزيدو الدقيق و خميرة الحلوى
نسرحوها بالمدلك مع رشةة دقيق و نقطعوها بالقطاعةنستفوها بالطاوة و ندخلوها للفران ملي تطيب نخلوها تبرد
نوجدو الكونفتير و قطرات من اللون
نلصقو الخواتات بالكونفتير نخلوها ترتا ح وها هي وجدة وبصحة وراحة.

 

كيكة بالياغورت و فاني

 

السلام عليكم ورحمة الله تعالى وبركاته

المقادير

4البيضات
ياغورت بنكهة الفاني
كاس سكر سنيدة
كاس الزيت
3 أكياس الخميرة الكميائية
كيس سكر فاني
شكلا مدوب للتزين وسكر كلاصي +عقيقات فضين
الدقيق حسب الخليط

الطريقة

في خلاط كهربائي يخفق البيض +الزيت+السكر+ كيس سكر فاني تم نضيف الياغورت ويخلط الكل تم نضيف الدقيق + أكياس الخميرة يسكب الخليط في قالب الكيك بعد دهنه جيدا بالزبدة و الدقيق تم نترك الكيك يرتاح لمدة دقيقة و نصف بهده الطريقه نحصل على كيك هش و منتفخ منين تطيب تنينوها بشكلاط مدوب وسكر كلاصي +عقيق وبصحة وراحة.

 

كيكة ابيض البيض

المقادير 

‎8 ابيض البيض+250 غ سكر سنيدة+250 غ بودرة اللوز+80 غ طحين+معلقة بيكربونات الصودا+فاني+قبصة من الملح. الطريقة أخفقي بياض البيض مع الملح جيدا في وعاء كبير حتى يتضاعف أضيفي سكر مرة أخرى تدريجيا مع الاستمرار في الخفق إلى أن يذوب السكر +اضافة بودرة اللوز بالتدريج وفي الاخير الطحين مع بيكربونات و فاني من الاسفل الى اعلى باش مايهبطش لينا البيض ونصبو الخليط في مول مدهون بالزبدة و الطحين وندخلوه الى الفرن على درجة حرارة 180 مدة 30 الى 40 دقيقة منين تطيب نزينوها بسكر كلاصي.

 

 

كريم ديسير

نصف لتر حليب +3ملاعق سكر+ 3م ك مايزينة +2 م ك كاكاو قبصة ملح درتهم فوق النار حتى اخثار وبعيد عن النار زيدي حليب نستلي طايب كراميل وضعيهم في القوالب اتركيهم يبردو لوقت التقديم وبصحة وراحة.