وصفات حورية ليوم 7/6/2012

شوربة للتكيس
رابعة اللفت الابيض+كرفس+2 جزرات ولماء الكافي و م ص ازير .
مشروبات
م ص ازير في ماء ساخن يشرب بالليل.
او كرمب الاحمر مع اللفت المحفور و ازير .
اقنعة للبشرة الدهنية
عمل بخار مكون من م ازير +قشرة الحامض مباشرة تدليك غير بشوية+قناع كرمب و اللفت ناخذ العصارة 5 م ك +م ص عصير الحامض او البرتقال او السويهلة+م دقيق الروز مطحون يعمل على الوجه و العنق.
قناع اخر
5 م ماء كرمب+م ك عدس مطحون بلدي +م زيت الزنجلان حساء وقناع مدة 20 د ويغسل.
شوربات خاصة بالامتحانات
1/3 جزر+7 تمرات+7 شريحات+هندباء+راس م قرنفل تطحن ويشرب.
2/كرعة حمراء+كركاع+راس م ص قرنفل+هندباء.
3/التلبينة+م الشكلاط 
عصير
نص ليتر ماء ساخن+زبيب اسود 2 م +2 م عسل الحر+حفنة التمر+2 م كركاع يطحن وياخذ كاس بالليل.

وصفات خبيرة التجميل مليكة موناصيف ليوم 7/6/2012

لوسيو للتساقط الشعر
حريكة في ماء ساخن تصفى و تعصر ونعملوها فشي قرعة وناخذ كاس صغير مع نص كاس ماء تدهن به الشعر او يشلل به في الاخير مع عمل م ص خل .
ماسك
2 بيضات بلدين+2 م ك عصير الحامض+م ك من الكحول 70 درجة يباع في الصيدلية يخلط جيدا ونحطوه على الجذور مدة 20 د الى نص ساعة ويغسل بلا شامبوان ويشلل في الاخير بماء حريكة او خل او حامض +مساج خفيف للشعر مدة 5 د .
وصفة اخرى
 كاس عصير الحامض+كاس زيت الخرواع يخلط ويعمل في قرعة وتوضع في الثلاجة +عمل مساج مدة ربع ساعة..
او ناخذ زعتر مطبوخ مدة 4 د ويشلل به الراس في الاخير.
او حبوب اتاي تطبخ في ماء مغلي مدة 5 د تعمل بالليل.
وصفة بلدية
م ص زيت القطران+2 م زيت الخرواع+2 م زيت الزيتون يخلط جيدا ويشقق به الشعر مدة ساعتين مرة في الاسبوع.
او حلبة مطحونة مخلوطة مع القطران+شوية الزيت ونعملوها فشي قرعة وناخذ م ص . 
ماسك 
البصلة مطحونة ومعصرة ومصفية تخلط مع م الحامض.
اوناخذ م ك من الحرمل مطحون مع الخل في نص كاس ماء وناخذ الماء ديالو او يخلط بماء معدني نص كاس.
 

عصير بالخوخ

المقادير
2 خوخات
100 مل حليب
تفاحة
ياغورت بالخوخ
سكر
تنقطعو الفواكه مربعات ونعملوهم فخلاط كهربائي +المكونات وها لعصير واجد بصحة وراحة.

 

وصفات خبيرة التجميل مليكة موناصيف ليوم 6/6/2012

شامبو للشعر الدهني
6 م ك صابون طبيعي من الزيتون و محكوك او يكون مصنوع من ورق الغار+2 م عصير الليمون+2 م عصير الحامض+2 م خل التفاح+نص ليتر ماء مغلى قشرة الليمون و الحامض مدة 10 د ويصفى ويضاف الى الصابون ونوضعوه على عافية مهيلة +عصير الليمون و الحامض ولخل ويستعمل كالشامبو ويشلل به الشعر ونعملو فاخر تشليلة الخل .
 
قناع
5 م الطين الاخضر او غاسول مع صفار بيضة و م الخل يخلط مع نقط الماء ويعمل على الشعر مرة في الاسبوع.
شامبو
2 م ك الطين الاخضرمع ملح البحر و الماء المعدني يخلط ويبقى مدة 5 د و يغسل الشعر.

طورطة البطاطا بالبيض

المقادير:

بطاطا ومقطعة إلى مكعبات ومقلية+فلفلةمقطعةإلى مكعبات صغيرة+
زيتون أخضر مقطع+بقدونس مفروم+بصلة مقطعة إلى مكعبات صغيرة
زيت وملح وكمون +بيض والطريقة بالصور

كيكة بالتفاح

المقادير
3 تفاحات
3 بيضات كبار
كاس سنيدة
كاس مابين زبدة وزيت
فاني
كاس طحين
نشا
خمارة 
الطريقة
تنخلطوهم مزيان ونقسمو الخليط على جوج خليط الاول في المول عاد يتوضع التفاح ويصب الخليط التاني وندخلها الى الفرن .
 

وصفات برنامج اللقاء المفتوح ليوم5/6/2012

الروكو من عند فريدة من امزورن
4 بيضات+2 كيسان ص زيت+2 كيسان سكر+2 كيسان حليب+فاني+3 خمارات+حامضة محكوكة والطحين حسب الخليط يخلط حتى نحصل على عجين ونشكلوه حرابل ونعملوه بحال الدملج ويقلى في الزيت ويزن بسكر كلاصي و فاني.
بيني بالبطاطا
3 بيضات غير الصفار+3 بطاطا متوسطة+كاس حليب+كاس زيت+كاس سكر+فاني+2 خمارات حلوى+شوية الخميرة المعجونة والطحين حسب الخليط تسلق البطاطا بالقشرة ديالها وتطحن في الخلاط مع المكونات ماعدى الطحين منين تطحن الخليط جيدا تنضيفو الطحين حتى نحصلو على عجينة رخوة ونشكل منها كويرات ص وتقطع بالقطاعة ونخليها حتى تخمر مدة 30 الى ساعة تقلى وترش بالسكر.
بريوش بالكريم باتسييرمن عند ليلى
350 غ دقيق+75 غ زبدة مدوبة+خمارة+فاني+3 بيضات+نص كاس ماء مذوبة فيه الخميرة المعجونة للتزيين كريم باتسييروزبيب مرطب في الماء وشكلاط محكوك ولوز مهرمش+لوز ايفيلي و مربى.تنحصل على عجينة ونخليها تخمر مدة نص ساعة وتقطع الى 3كورناخذ الكورة الاولى نطلقها بالمدلك ونعملها في مول دائري وتكون مدهونة بالكريم وناخذ كورة التانية ندهنوها كدلك بالكريم +زبيب وشكلاط +لوز مهرمش وتلوى بحال الشنيك وتقطع وتعمل فوق الكورة اللي طلقنها ونخليها تخمر مرة اخرى وتدخل الى الفرن منين تطيب تهن بالمربى او الناباج وترش بلوز ايفيلي.