الجمعة، 24 فبراير، 2012

وصفات التجميلية من طرف المستمعات اللقاء المفتوح

                                         السلام عليكم ورحمة الله و بركاته  

حورية من المحمدية
 وصفةفعالة للكزيما ديال الرجلين و الحكة بين الاصابع (حورية من المحمدية)المكونات

4 معالق كبار حنة مطحونةملعقة كبيرة حلبة مطحونةملعقة صغيرة ماعامراش من الشبةالماء ديال 2 او 3 خيزوات مح****ن (نحكوهم فالجهة الرقيقة و ناخدو الماءفقط)
الطريقةنخلطو العناصر مزيان و نديروهم للرجلين و بين الاصابع و نلبسو ميكة تكون مثقوبة باش يتنفسو الرجلين ثم نلبسو تقاشر ديال القطن و نخليوهم يباتو فالرجلين او يمكن نديرو الخليط و نخليوه النهار كامل فالرجلينو قبل استعمالالوصفة ضروري نديرو حمام اعشاب للرجلين حمام الاعشاب قبل وضع وصفة الكزيما 2حتى ل 3 معالق ملحة حية مدقوقة شويةالشيح اوراق البصلة الحمرا الحلبة نغليو 2 لتر من الماء و نديرو فيه الاعشاب فشي بانيو و منينيدفى شوية الماء (الجهد اللي نستحملو)نديرو فيه الرجلين و نخليوهم حتى يبرد الماء (تقريبا نصف ساعة) ثم نشفوهم مزيان بفوطة و نديرو الوصفة ديال الاكزيما هاد الوصفة جربها زوج واحد السيدة كان كيعانيمن الكزيما و زار الكثير من الاطباء و استعمل العديد من الادوية دون جدوى و منيندار الوصفة قضات تماما على الكزيما والاثر ديالها


 طريقة تحضير الزيوت في المنزل زيت اللوزناخدو حفنة ديال اللوزنمسحوه و نطحنوه مزيان في الخلاط الكهربائي مع شوية الماء حتى يتعلك و يولي معسل ثمنديروه في قصرية و ندلكوه مزيان باليد و نعاودو نزيدو عليه نصف كاس ماء و ندلكوه ثم نعصروه في زيف حياتي نقي و غدي نحصلو على زيت اللوزنستعمل نفس الطريقة للحصول على زيت الجنجلان بالنسبة للوز اللي غدي يبقى لينا بعدما نعصرو الزيت يمكن نخلطوه معبيضة بلدية و نشققو بيه الشعر خصوصا الى كان جافزيت الاعشاب (مثل الخزامى الزعتر السالمية و ازير)من الاحسن تكون الاعشاب طريةناخدو النوعا للي بغينا و نقطعوه رقيق بحال الربيع و نديروه في قرعة زجاج معقمة و شفافة ونغطيوه بزيت الزيتون و نخليو القرعة فالشمس مدة اسبوعين مع التحريك مرة مرة ثم يصفى الزيت في زيف حياتي نظيف و يستعمل
*************************************************
 طريقة تحضير زيت الخس ناخذو بذور الخس (نشريوهم من الاماكن اللي كيبيعو بذور الفلاحة) ونديروهم في قرعة لونها غامق بحال ديال السيرو و نغطيو البذور بالزيت البلدية و نسدوالقرعة و نحطوها في بلاصة مشمشة مثل بالكو او سطح و نخليوها مدة 4 اسابيع و كل نهارنحركوهابعد مرور 4 اسابيع نصفيو البذور من الزيت ثم نديروهم في زيف حياتي اوفاصمة و نعصروهم مزيان و الزيت اللي غذي نحصلو عليها من عصر البذور هي زيت الخس مقطرة و طبيعية مائة في المائة و بالنسبة للزيت البلدية اللي كانت فالقرعة نحتفظبها لدهن الشعربالنسبة للمقادير كنديرو كاس كبير زيت بلدية مع 100 غرام ديال بذور الخس
*********************************************
 وصفة لترطيب و تطويل الشعرالمكونات
زيت الخس
زيت العنبر
زيت السالمية
الطريقة
ناخذو نفس المقدار من الزيوت مثلا ملعقة كبيرة او 2 معالق من كل زيت حسب كثافة و طول الشعر و نخلطوهم و نشققو بيهم الشعر مزيان و نخليوهم اطول مدة ممكنة مثلا نديروهم فالصباح و نغسلو الشعر فالليل
الى كان الشعر احرش بزاف تستعمل مرة في الاسبوع
تقول السيدة ربيعة اننا منين نغسلو الشعر كيولي بحالا دايرين ليه السيشوار و كتردو رائع طبعا مع المداومة

****************************************************
 زيوت لترطيب و تطويل و تقوية الشعر (وصفة هندية)
المكونات
ربع كاس زيت الجوجوبا
ربع كاس زيت الخزامى
ربع كاس زيت السالمية
ربع كاس زيت اللوز
الا كان الشعر خفيف و قصير نقللو كمية الزيوت المهم تكون مقادير متساوية
الطريقة
نخلطو الزيوت و نفرقو الشعر خصلات صغيرة (بحالا بغينا نديرو السيشوار و لكن نهزو غير شوية ديال الشعر) و ناخذو شيتة ديال الاسنان نغطسوها فالزيت و نشققو بيها جذور الشعر مزيان و كل مرة نفرقو و نهزو خصلات صغيرة و نحكو الجذور بالشيتة مغموسة فالزيت حتى نكملو الشعر و نبيتوها فالشعر من الاحسن ثم تغسل فالصباح و منين نغسلو الشعر من الزيوت مانديرو ليه حتى ماسك او كريم
تستعمل الوصفة مرة في الاسبوع او مرة كل 15 يوم و من الاحسن يديرها لينا شخص اخر باش تكون العملية اسهل
ممكن استعمال الوصفة للبنات الصغار اللي شعرهم خفيف و مع المداومة كيولي الشعر قوي بزاف و طويل

*****************************************************
 كيفية استخرج حليب و زيت جوز الهند (الكوكو) (حنان من اولاد تايمة)*استخراج الحليب ناخذو حبة كبيرة ديال الكوكو و نقسموها على جوج و نزولو الجزء الابيض يعني اللب و نحكوه فالحكاكة الرقيقة ثم نديروه في قرعة او اناء كبير ديال الزجاج يكون معقم و نخويو عليه الماء طايب يكون كيغلي و نسدو القرعة و نخضوها مزيان باش تنسجم العناصر ثم نخليو الخليط حتى يدفى و نعصروه مزيان بزيف حياتي نظيف غدي نحصلو على ماء ابيض اللون هو حليب جوز الهند يمكن نديرو بيه لاكريم باتيسيير او البيشاميل او نستعملوه في وصفات التجميل*استخراج الزيت ناخذو الحليب اللي حصلنا عليه نديروه في قرعة و نديروه يبات فالثلاجة و فالصباح غدي نلقاو الزيت تعزل الفوق و الحليب بقى التحت كنزولو الزيت شوية بشوية بواسطة ملعقة و نحتفظ بها في قنينة ديال الزجاج لحين الاستعمال
////////////////////////////////////////////////////////////////////////////////////////
 وصفة لازالة النقط و البقع البنيةاللي كتكون فوق اليدين و الصدر و الكتفين
(من عند السعدية من خريبكة)
المكونات
عصير بصلة حمراء
نفس مقدار عصير البصلة من خل التفاح
الطريقة
نديرو عصير البصلة و خل التفاح في زجاجة غامقة اللون (بحال ديال السيرو) و نخلطو ثم نخليوها مدة 24 ساعة حتى تتجانس المكونات ثم تستعمل فينما نكونو مساليين و ما غاديش نقيسو الماء ندهنو اليدين او الاماكن الاخرى بواسطة قطن و نخليوه حتى ينشف و مع الاستمرار كتنقص النقط و البقع
يمكن كذلك استعمال الوصفة كوقاية لمنع ظهور البقع و النقط البنية و لا تستعمل للوجه

*****************************************************
 
 وصفة لبياض الوجه (نزيهة من الراشيدية)
*المكونات
عصير حامضة
عصير برتقالة
2 معالق كبار شعير مطحون مزيان و مغربل
1 ياغورت طبيعي (مسوس)
ملعقة صغيرة نشا
اصفر بيضة
ملعقة صغيرة عسل طبيعي
*الطريقة
تخلط جميع المكونات و توضع على الوجه يوميا مدة 15 دقيقة ثم تغسل من الاحسن بالماء الدافي ثم البارد
يمكن الاحتفاظ بالخليط مدة اسبوع في الثلاجة

******************************************************
 وصفة جيدة لترطيب الشعر (نزيهة)
*المكونات
ملعقة كبيرة عسل طبيعي
ملعقة كبيرة زيت زيتون
ملعقة كبيرة حليب بودرة
ملعقة كبيرة حليب سائل
ملعقة كبيرة عصير الحامض
ملعقة كبيرة خل التفاح
*الطريقة
نخلطو كلشي مزيان و نديروه على الشعر (خاص الشعر يكون نظيف) و نخليوها فيه مدة ساعتين و هو مغطي بالبوني ديال البلاستيك ثم يغسل عادي
اذا كان الشعر كثيف و طويل يمكن مضاعفة المقادير
قالت صاحبة الوصفة اننا كنلاحظو الرطوبية بعد غسل الشعر

****************************************************
 وصفة لتبييض البشرة و ازالة الكلف و النمش و اي نوع من البقع
المكونات
عصير نصف حامضة
ملعقة كبيرة جليسيرين
ملعقة كبيرة خل التفاح
ملعقة كبيرة من ماء الورد
الطريقة
نخلطو جميع المواد و ندهنو الوجه بعيدا عن الشمس و نخليو الماسك مدة نصف ساعة ثم يغسل بالماء دافي ثم ماء بارد
تستعمل الوصفة مرة في الاسبوع لمدة شهر و كتبان النتيجة و من الاحسن تستعمل فالليل باش مانخرجوش للشمس و هي كذلك تصفي الوجه بطريقة رائعة حسب السيدة ربيعة

****************************************************
 وصفة لتصفية الوجه و تفتيح البشرة
المكونات
راس ملعقة صغيرة خميرة الخبز مذوبة فشوية ماء معدني دافي
ملعقة كبيرة عسل طبيعي
ملعقة كبيرة فورص
ملعقة كبيرة حليب
الطريقة
نخلطو جميع العناصر و ندهنو الوجه و نخليوه مدة 15 دقيقة ثم يغسل بماء معدني دافي
مع المداومة على الوصفة و لو مرة في الاسبوع تفتح البشرة بطريقة هائلة

*******************************************************
 ماسك للبشرة الدهنية (مع المداومة عليه كتولي البشرة عادية) (السيدة ربيعة)
المكونات
تفاحة مسلوقة و ممعوسة مزيان بالفورشيت حتى تولي بحال الكريم
نصف ملعقة صغيرة كريما (وجه الحليب الطبيعي اللي كيتكون الفوق)
نصف ملعقة صغيرة عسل حر
ملعقة كبيرة شوفان مطحون مزيان (خرطال)
نصف ملعقة صغيرة قرفة
الطريقة
نمزجو جميع العناصر مريان بالفورشيت حتى نحصل على كريم كثيف و نديروه على الوجه من 10الى 15 دقيقة (الى كانت البشرة دهنية بزاف) ثم نزولو الماسك بقطن نظيف و نغسلو الوجه بماء دافي ثم ماء بارد و ندوزو عليه مكعبات ثلج ديال ماء سلق الخضر (منين نسلقو الخضر نديرو ماء السلق في قوالب الثلج و نجمدوهم و نبقاو نستعملوهم للوجه)

*****************************************************
 سبراي للبشرة الجافة اللي كتقشر
المكونات
نصف ملعقة صغيرة من زهر البرتقال
2 معالق صغار عصير الصبار (نطحنو الصبار او نحكوه فالحكاكة رقيقة باش يطلق الماء ديالو)
3 حتى ل 4 نقيطات عسل حر
2 حتى ل 3 نقط من زيت الازير
ثلت كاس ماء معدني
الطريقة
نخلطو المكونات و نديروها في بخاخ (رشاشة) و نرشو الوجه و اليد باش نرشو تكون بعيدة على الوجه باش يعطي مفعول احسن و نخليوه مدة 15 دقيقة ثم يمسح الوجه بالقطن بلا ما نغسلوه
يستعمل مرة في الاسبوع

******************************************************
 لوسيون للبشرة الحساسة (السيدة ربيعة من القصر الكبير )
المكونات
2 معالق كبار شوفان (خرطال)
ماء معدني القياس اللي يغطي لينا الخرطال
اصفر بيضة بلدية
3 معالق كبار زيت اللوز
الطريقة
نديرو الشوفان في زلافة و نغطيوه بالماء المعدني و نخليوه مدة ساعة غذي يتضاعف الحجم ديالو ثم نعصرو الشوفان من الماء و نصفيوه في منديل نقي و غذي يولي عندنا حليب الشوفان هو اللي غذي نستعملو
نديرو اصفر البيضة فالخلاط الكهربائي و نخلطو مزيان ثم نبداو نزيدو زيت اللوز قطرة قطرة مع التطراب حتى يعقد الخليط بحال المايونيز ثم نزولوه من الخلاط و نزيدو عليه حليب الشوفان مصفي و نخلطو حتى تنسجم العناصر و نديرو اللوسيون اللي حصلنا عليها في قرعة و كل ليلة نبداو نغسلو الوجه ديالنا مزيان و ننشفوه و نديرو قطن فاللوسيون و نمسحو بيه الوجه مزيان فالليل و فالصباح كيصبح الوجه منور بحالا دايرين ليه كريم الاساس ( fond de teint)
يمكن استعمال الوصفة حتى للبشرة الجافة و كذلك يمكن نديرو غير حليب الشوفان بوحدو

*****************************************************
 وصفة ديال اليوم من اللقاء المفتوح
لتصفية الوجه: نصف موزة بقشرتها+نصف كاس حليب
طحنيهم في مولنيكس وعملي ماسك للوجه مدة 25الي30دقيقة
من بعد غسليه بماء بارد

*******************************************************
 كوماج للوجه م حمص مطحون+ م فول مطحون+م ارز مطحون+م ماء الورد+2م حليب نيستلى نمزج العناصر جيدا ونعمل منها ماصك على الوجه والعنق ونتركه 20د تم نعمل كوماج ونغسله بالماء الدافئ تم البارد

2. وصفة طبيعية لتنظيف البشرة الدهنية 2م ك من السالمية مطحونة+ 2م ك من ازير مطحون+ صابونة الكف محكوكة+ 2م ك من النعناع مسحوق جيدا+ ماء ناخد هده المقادير نظيف عليها المقدار الكافي من الماء البارد حتى نحصل على عجينة ونبقى نغسل بها الوجه ، اي نضعها على شكل ماسك وندلك جيدا ونزيله بالماء الدافئ

******************************************************
 وصفة لتنظيف البشرة

2 م ك ترمس مطحون
1 م ك يغورت طبيعي
1 م ك عسل
1 م ك ماء الورد
تخلط المقادير و توضع على الوجه و العنق و الرقبة لمدة 15 دقيقة تم يغسل بماء دافئ

***************************************************
 قــناعــان و لُــوشن للبشرة الذهنية

القناع الأول
للبشرة الذهنية اللي فيها حب الشباب
عصير مطيشة مطحونة + ملعقة الجليسيرين أو زيت بلدية
يخلط الكل مدة 20 دقيقة وثم يوضع كقناع على الوجه
القناع الثاني
للبشرة الذهنية جــداً ذات المسام الواسعة
ملعقة فول مطحون
ملعقة أرز مطحون
2 معالق عصير الحامض يمكن تعويضه بأبيض البيض
ملعقة ماء الورد
يخلط حتى يصبح على شكل كريم و يترك على الوجه حتى ينشف


لوشن للبشرة الذهنية جــداً
نصف لتر ماء +أوراق النعناع + 2 قشور ليمونة + قليل من الخزامى
يترك الكل يغلى فوق النار
تم يوضع في زجاجة أو بخاخ و يرشّ به الوجه كل ليلة

***********
نصف لتر ماء + أوراق الورد +عسل + نعناع
يترك الكل يغلى فوق النار
تم يوضع في زجاجة أو بخاخ و يرشّ به الوجه كل ليلة

*****************************************************
 حمام للرجلين: يستعمل قبل وضع وصفة الكزيما:
3 معالق أو 2 ملحة حية مدقوقة شوية + الشيح + أوراق البصلة الحمراء + و الحلبة.
نصب على هادشي 2 لتر ماء سخون و نتركه حتى يبدا يدفى و نضع رجلي فيه و نتركها فيه مدة حتى يبرد الماء.

لعلاج الكزيما:
4 معالق كبار حنة مدقوقة + معلقة كبيرة حلبة مسحوقة + معلقة صغيرة ممسوحة ديال الشبه + ماء ديال 2 أو 3 خيزوات.
نخلط الجميع و نضعه في الرجل و نلبس ميكة نتقبها شوية باش الرجل تتنفس و نلبس تقاشر ديال القطن، و نبات بهم أو نظل بهم.

الوصفة 2 لعلاج الكزيما:
2 ورقات خيزو + 3 معالق حنة مدقوقة + معلقة صغيرة حب رشاد ماء زهر أو ماء ورد.
نأخد ورقات خيزو (للي تيكونو في خيزو قبطة من الفوق) ننشفهم في الظل و ندقهم و نضيف لهم الحنة و حب الرشاد و ماء الورد أو ماء الزهر، نخلط الكل و نضعهم على الرجل و نلبس ميكة نتقبها شوية باش الرجل تتنفس و نلبس تقاشر ديال القطن، و نبات بهم أو نظل بهم.

لإزالة الكلف:
يستعمل لمدة 7 أيام
قشور الفجل بلدي أو رومي نرميهم في الفرن حتى ينشفوا و ندقهم و نأخد منهم 2 معالق نضيف لهم ماء الفجل و معلقة صغيرة عسل حر. نعمل الماسك على وهي مرة في الأسبوع لمدة 30 دقيقة.
في المساء نأخد عصارة الكرم (ممكن نعوضه بالخيار...) نضيف له قطرات زيت الزيتون و نضعه على الوجه و نبات به حتى للصباح، ممكن نديرو كل لي

***************************************************
 وصفة لترطيب الاقدام
المكونات
2 معالق كبار صابون بلدي
2 معالق كبار خميرة معجونة
2 معالق كبار تحميرة حلوة
الطريقة
نخلطو العناصر مزيان و ندهنو الاقدام و اصابع الرجلين و نغطيو الرجلين بميكة و نلبسو فوقها التقاشر و نخليو الخليط من نصف ساعة الى ساعة ثم نغسلو بالماء دافي و الصابون
تستعمل الوصفة يوميا و خلال شهر كيوليو الاقدام رطبين و حمرين

***************************************************
 وصفه لتنظيف الوجه
المكونات :

> 3 ملاعق طين الاخضر
> ملعقة صغيرة حليب بودر
> عسل حر
الطريقة :
الطريقه واضحه ، تخلط جميع المقادير بالقليل من الماء ، او ماء الورد
وتوضح على الوجه 20 دقيقه .
خلطه للتخلص من الكلف
_ قشور الفجل جافه ومدقوقه
_ماء الفجل المحكوك
_ملعقة سكر عسل حر

يوضع بعد الحمام البخاري
او

المكونات
الخليط الاول
5 حبات ديال الودعة (تباع عن العطار)
عصير حامضة كبيرة
نديرو الودعة مع عصير الحامض و نسدو عليهم فشي حك و مانفتحوهش حتى تدوز 7 ايام يعني غدي نحجبوها و منين تدوز 7 ايام غدي نلقاوها ولات بحال الحليب
الخليط الثاني
40 غرام حمص مدقوق و مغربل
قبيصة زعفران شعرة
قبيصة عكر فاسي
ماء الورد
نخلطو هذه العناصر بماء الورد حتى نحصلو على خليط مطلوق شوية ثم نخلطوه مع الخليط الاول اللي هو الحليب ديال الودعة و نبقاو نستعملوه يوميا مدة سبعة ايام
نديرو الخليط على وجه نظيف من الاحسن فالليل و نخليوه 20 دقيقة ثم نمسحوه بلا مانغسلو الوجه و يمكن نمسحوه بماء الورد باش مايبقاش الوجه ناشف و مانمشيوش للحمام حتى تدوز 7 ايام من استعمال الوصفة
و من الاحسن مانغسلوش الوجه مدة استعمال الوصفة الا للضرورة باش يكون عندها مفعول و كتاكد صاحبة الوصفة انها مجربة و عندها مفعول اكيد و مع المدة حتى الشعر ماكيبقاش فالوجه

*****************************************************
 أقنعة للوجه من اللقاء المفتوح
نصف ملعقة كبيرة من العسل - ملعقة كبيرة من عصير الجزر يوضع على الوجه لمدة 30 دقيقة ثم يغسل بالماء الدافئ,
ملعقة كبيرة من عصير الجزر - بياض بيضة يوضع على الوجه لمدة 30 دقيقة ثم يغسل بالماء الدافئ,
ملعقة صغيرة من الحليب غبرة - ملعقة كبيرة من الحليب السائل يوضع على الوجه لمدة 30 دقيقة ثم يغسل بالماء الدافئ,

******************************************************
 هدي وصفة جديدة للكلف و البثور
عصير نصف حامضة
عصير جزرة
ملعقتان ياغورت طبيعي
نخلط كلشي ونضعه ليلة كاملة في الثلاجة
ونعملوه 30 دقيقة بعد ما نغسلو وجها بمحلول المعدنوس

****************************************************
 وصفات لحب الشباب من السيدة ربيعة

الوصفة1
بياض بيضة بلدية + ملعقة كبريت+قطرات من الحامض
يخلط الكل ويعمل كماسك ساعة قبل النوم ويبقى مدة 30 دقيقة يغسل بالماء البارد وتستعمل الوصفة مرة كل يومين

الوصفة 2
1 ملعقة زيت النعناع +نصف عصير نصف حامضة
يدهن الوجه بهدا المحلول 3 مرات في اليوم يوميا

الوصفة 3

15 غرام برقوق مجفف مطحون
80 غرام زيت اللوز
50 غرام زيت النعناع
10 غرام مسحوق زهرة الاقحوان marguerite
نخلط على شكل كريم يوضع في اناء معقم و يستعمل كماسك 15 دقيقة باليل ثم نغسل الوجه بماء دافئ وندهن بماء الورد يوميا

*****************************************************
 *وصفة بعد الاستحمام
نخلطو كاس كبير ماء الورد مع كمية من الورد البلدي و نخليوهم شوية و منين نكملو الاستحمام نديروهم بجوج في ماء التشلال الاخير و نشللو بيهم الجسم
هذه الوصفة تنعم الجسم و تعطي احساس بالراحة
كوصفة اخرى بعد الاستحمام يمكن اضافة 2 أو 3 معالق كبار من خل التفاح لماء التشلال الاخير خل التفاح ينعم الجسم و يزيل الفطريات و رائحة العرق

*وصفة لرائحة العرق المجهدة
بودرة قشور الرمان + شوية ماء و نخلطو حتى الحصول على خليط بحال الكريم و ندهنو بيه تحت الابط و نخليوه ينشف ثم يمسح بمنديل دون ان يغسل
تكرر العملية يوميا و يجب الابتعاد عن الاكل بين الوجبات لانه يكثر من رائحة العرق

*وصفة لتفتيح البشرة
ناخدو اللوز و نطحنوه مزيان و نغربلوه باش نحصلو على بودرة ناعمة ثم ناخدو ملعقة من بودرة اللوز و نخلطوها مع ملعقة ياغورت طبيعي و نديرو الخليط على الوجه مدة 15 دقيقة ثم يغسل كالعادة بماء دافي ثم ماء بارد
هذه الوصفة حسب السيدة ربيعة عندها مفعول رائع في تبييض البشرة

*وصفة اخرى لتفتيح البشرة
ملعقة ياغورت طبيعي
ملعقة عصير الحامض
ملعقة عسل طبيعي
ملعقة خيار محكوك رقيق بزاف
نخلطو جميع العناصر و نديروهم قناع على الوجه مدة 15 دقيقة
يمكن استعمال القناعين بجوج في نفس اليوم مثلا يمكن نديرو الاول في الصباح و نديرو الثاني في الليل

*قناع الخيار و الجزر
يخلط عصير الجزر مع عصير الخيار و يوضع على الوجه ربع ساعة ثم يغسل هذا القناع كيبيض جميع انواع البشرة حتى البشرة السمراء

*قناع التفاح لتفتيح البشرة
نسلقو تفاحة في شوية ديال الماء القدر الكافي اللي تشربو التفاجة ثم نمعسوها مزيان بالفورشيت حتى تولي بوماد و تدهن على الوجه مدة 15 دقيقة
يمكن استعمال قناع التفاح و قناع الجزر و الخيار في نفس اليوم
و بالنسبة لجميع الاقنعة توضع على وجه نظيف و عند الخروج ضروري استعمال الكريم الواقي من الشمس للوجه

*وصفة لازالة وبر الوجه
وبر الوجه هو الشعيرات الرقيقة اللي في الوجه و اللي ما كتزولش بواسطة لاسير او الخيط
ناخدو قشرة الفول الاخضر و ندهنو بها الوجه لان وبر الفول يزيل وبر الوجه و يعطيه نضارة

*وصفة لتثبيت الماكياج بالنسبة للبشرة الدهنية
نخلطو مسحوق الفخار مع ماء الخيار حتى الحصول على كريم ثم يدهن الوجه مع الاسترخاء نديرو هاد الماسك في الصباح الى كنا غدي نديرو الماكياج فالعشية

*لوسيون للبشرة الجافة
4 نقط من زيت بذر عظام المشماش
4 معالق صغار زيت اللوز (أو زيت الكوك/ جوز الهند)
قطرة أو 2 قطرات من زيت البرتقال
العصارة ديال خوخة
( نحكو الخوخة رقيقة و نعصروها بثوب او فاصمة وناخدو العصير ديالها)
نخلطو جميع العناصر و نديرو الخليط في الثلاجة مدة30 دقيقة ثم نخرجوه و نخلطوه مزيان و ندهنو بيه الوجه

*****************************************************
 

وصفات خاصة بالشعر من برنامج اللقاء المفتوح

                                 السلام عليكم ورحمة الله و بركاته
وصفة
لترطيب و تطويل الشعرالمكونات
زيت الخس
زيت العنبر
زيت السالمية
الطريقة
ناخذو نفس المقدار من الزيوت مثلا ملعقة كبيرة او 2 معالق من كل زيت حسب
كثافة و طول الشعر و نخلطوهم و نشققو بيهم الشعر مزيان و نخليوهم اطول مدة
ممكنة مثلا نديروهم فالصباح و نغسلو الشعر فالليل
الى كان الشعر احرش بزاف تستعمل مرة في الاسبوع
تقول السيدة ربيعة اننا منين نغسلو الشعر كيولي بحالا دايرين ليه السيشوار و
كتردو رائع طبعا مع المداومة

زيوت
لترطيب و تطويل و تقوية الشعر (وصفة هندية)
المكونات
ربع كاس زيت الجوجوبا
ربع كاس زيت الخزامى
ربع كاس زيت السالمية
ربع كاس زيت اللوز
الا كان الشعر خفيف و قصير نقللو كمية الزيوت المهم تكون مقادير متساوية
الطريقة
نخلطو الزيوت و نفرقو الشعر خصلات صغيرة (بحالا بغينا نديرو السيشوار و لكن
نهزو غير شوية ديال الشعر) و ناخذو شيتة ديال الاسنان نغطسوها فالزيت و
نشققو بيها جذور الشعر مزيان و كل مرة نفرقو و نهزو خصلات صغيرة و نحكو
الجذور بالشيتة مغموسة فالزيت حتى نكملو الشعر و نبيتوها فالشعر من الاحسن
ثم تغسل فالصباح و منين نغسلو الشعر من الزيوت مانديرو ليه حتى ماسك او
كريم
تستعمل الوصفة مرة في الاسبوع او مرة كل 15 يوم و من الاحسن يديرها لينا
شخص اخر باش تكون العملية اسهل
ممكن استعمال الوصفة للبنات الصغار اللي شعرهم خفيف و مع المداومة كيولي
الشعر قوي بزاف و طويل

وصفة جيدة لترطيب الشعر (نزيهة)
*المكونات
ملعقة كبيرة عسل طبيعي
ملعقة كبيرة زيت زيتون
ملعقة كبيرة حليب بودرة
ملعقة كبيرة حليب سائل
ملعقة كبيرة عصير الحامض
ملعقة كبيرة خل التفاح
*الطريقة
نخلطو كلشي مزيان و نديروه على الشعر (خاص الشعر يكون نظيف) و نخليوها فيه
مدة ساعتين و هو مغطي بالبوني ديال البلاستيك ثم يغسل عادي
اذا كان الشعر كثيف و طويل يمكن مضاعفة المقادير
قالت صاحبة الوصفة اننا كنلاحظو الرطوبية بعد غسل الشعر



 
كيفية استخرج حليب و زيت جوز الهند (الكوكو) (حنان من اولاد تايمة)
*استخراج الحليب

ناخذو حبة كبيرة ديال الكوكو و نقسموها على جوج و نزولو
الجزء الابيض يعني اللب و نحكوه فالحكاكة الرقيقة ثم نديروه في قرعة او
اناء كبير ديال الزجاج يكون معقم و نخويو عليه الماء طايب يكون كيغلي و
نسدو القرعة و نخضوها مزيان باش تنسجم العناصر ثم نخليو الخليط حتى يدفى و
نعصروه مزيان بزيف حياتي نظيف غدي نحصلو على ماء ابيض اللون هو حليب جوز الهند
يمكن نديرو بيه لاكريم باتيسيير او البيشاميل او نستعملوه في وصفات التجميل

*استخراج الزيت

ناخذو الحليب اللي حصلنا عليه نديروه في قرعة و نديروه يبات
فالثلاجة و فالصباح غدي نلقاو الزيت تعزل الفوق و الحليب بقى التحت
كنزولو الزيت شوية بشوية بواسطة ملعقة و نحتفظ بها في قنينة ديال الزجاج لحين الاستعمال
*كيفية استخراج زيت الذرة فالبيت
ناخدو 2 معالق كبار من طحين الذرة الصفراء و نديروهم في قرعة و نغطيوهم
بزيت الزيتون و نسدو القرعة و نحركوها مزيان باش تنسجم العناصر ثم نخليوها
مدة يومين او 3 ايام و نعاودو نحركوها مزيان ثم نخليوها حتى تتصفى الزيت
الفوق و نزولوها و هكذا غدي نحصلو على زيت الذرة
زيت اللوز من عند ربيعة من القصر الكبير

حفنة ديال اللوز نطحنوها في الخلاط الكهربائي مع شوية الماء
حتى يول معسل نخويوه و ندلكوه بحال العجينة و نزيد عليه شوية الماء ش نصف
كاس و نديروه يتسقطر في زيف ديال حياة يكون نقي نفس الطريقة بالنسبة لجنجلان

زيت الاعشاب

ناخد الاعشاي اللي يغينا مثلا الخزامة او السالمية
نفرم الخزامة بحال الربيع نخويوه في ش قرعة معقمة و نزيد
عليها زبت البلدية و نغطوه و نحطوه في الشمس مدة اسبوعين في الاخير حتى هو
تيتعصر في زيف حياتي
السيدة ربيعة تتقول بان الاعشاب الخضرة تكون احسن
و اللوز اللي اللي بق لينا من زيت اللوز نخلطوه بواحد
البيضة بلدية و نديروه للشعر و الزيت اللي بق لينا في اليدين ندهن به الوجه


وصفة للصلع والشعر الخفيف للرجل والمراة

دهني بزيت الزعتر قبل الحمام ويعد الحمام مباشر دهني فروة
الراس بماء الزعتر
ماء الزعتر يعني = غلي الماء وكبيه على الزعتر وخليه يرتاح حتى ترجعي من
الحمام واستعمليه


وصفة لتساقط الشعر؛

خزامة ـ الريحان ـ قشورالرمان
يابسين ومدقوقين ـ البابونج ـ السانوج ـ الدباغ ـ الحرمل ـ الوردـ آزير ـ
القرنفل الكل مدقوق ومنو شوية شويةنخلطو كل شي بحال الحنة بماء الزعترالى
كان الشعر رطب اما الى كان الشعر جاف نخلطو بماء الزعتر ونزيدو كار الزيت
العود بعد ما نسخنوه شوية ونعملوه على الشعر.

وصفة للحصول على لون الشوكلاط في الشعر

10 معالق كبار حنة ـ 5 معالق كبار كاكاوـ 2 معالق عصير الحامض ـ 3 معالق خل
التفاح اوخل عادي نخلطو كل شي مزيان ونخليوه يرتاح مدة ساعة عاد نعملوه
على الشعر مدة 3 ساعات .





وصفة لتساقط الشعر الشديد او ايضا باش يخلف بسرعة

70 غ سكينجبير اخضر منقي ومغسول ومقطع طريفات ـ 3 معالق كبار ماء معدني ـ
حجرة ديال الكحل طبيعية لايتعدى وزنها 50 غ ـ 3 معالق كبار ماء الورد ـ 3
رويسات ديال الورد منقي غير الوريقات فقط كنطحنو كل شي في الخلاط الكهربائي
ونبداو نفزكو اصابعنا في الخليط ونعملو مساج في الشعر بحركات دائرية حتى
نفزكو شعرنا كامل بالخليط لمدة دقيقة ونصف ونفس الشيء للحواجب غير باصبع
واحد ونخليو الماسك على الشعر مدة 3 ساعات ونعملوها مرة في الاسبوع بالنسبة
لعندها جلدة الراس حساسة اما بالنسبة للانسان العادي يمكن يعملها حتى 2
المرات في الاسبوع ومن الاحسن الخليط نعملوه في قرعة الزجاج وهده الوصفة
صالحة حتى للحواجب الخفيفة
 
قناع الشعر الجاف
4ملاعق كبيرة عسل
2ملاعق زيت جوز الهند
2ملاعق زيت الزيتون
1حبة أفوكا
1موزة واحدة

الطريقة
تقشر حبة الأفوكا وكدالك الموزة ويوضع الكل في خلاط كهربائي ثم يضاف
العسل+ زيت جوز الهند+ زيت الزيتون.
يخلط الكل جيدا ويوضع على الشعر مدة ساعة ثم يغسل.

ملاحضة
يستعمل هدا القناع مرة واحدة في الاسبوع.
حمام الزيوت
معلقة كبيرة من زيت الصبار
معلقة كبيرة من زيت الأفوكا
معلقة كبيرة من زيت الخروع
معلقة كبيرة من زيت الزيتون

الطريقة
1.في قنينة زجاجية تمزج الزيون جيدا.
2.يقسم الشعر إلى 4 أقسام.
3.تدهن جلدة الرأس وصولا إلى أطراف الشعر ثم تفرك بالأصابع.
4.يغطى الشعر بغطاء بلاستيكي مدة 20 دقيقة
ويغسل بالماء الدافئ ثم بالشامبوان والماء.

قناع الشعر الجاف
نصف كاس ياغورت طبيعي
1
معلقة صغيرة عسل
1
صفر بيضة

الطريقة
1.يمزج نصف كاس ياغورت مع
ملعقة صغيرة من العسل وصفار بيضة.يخلط جيدا حتى الحصول على كريمة
متماسكة.
2.توضع كمية من الخليط على فروة الرأس.ثم تدلك بالأصابع حتى تنتشر على جميع
أصول الشعر يلف الرأس بفوطةأو قبعة الحمام ويترك لمدة20دقيقة.
3.يغسل الشعر بالماءالفاتر ليس ساخنا كي لا يطيب البيض في الرأس أولا ثم
ينظف بالشامبوان.


صبغ الشعر باللون البني

ناخدو حفنة من اوراق الكركاع و نزيدو عليها ماء غليان و
نخليوهم مدة 15 دقيقة ثم نصفيو الماء و ندهنو بيه الشعر مزيان خاص الشعر
يكون نظيف
تكرر العملية يوميا و مع المدة كيتلون الشعر و يختفي الشيب

وصفة اخرى لاعطاء لون بني للشعر

مقدار حنة حسب طول الشعر
ماء سلق الباربا
ملعقة ياغورت طبيعي مسوس
ملعقة عسل طبيعي
نخلطو الحنة بماء الباربا و نزيدو عليهم العسل و الياغورت ثم نديرو الخليط
على الشعر و ننشفوه بالسيشوار باش تثبث الصباغة
تستعمل الوصفة اي وقت قبل الحمام و نخليوها فالشعر حتى لنصف نهار
بالنسبة اللي شعرها ناشف بزاف تضيف ملعقة زيت اي نوع للعناصر الاولى و تتبع
نفس الطريقة



الشعر باللون الاحمر الغامق (يميل للڭرونة)
المكونات

4 معالق كبار حنة (تكون مدقوقة على اليد)
ملعقة صغيرة زعفران حر مدقوق
2 معالق كبار شاي اسود مطحون و مغربل
4 معالق كبار سواك محمر في الفران و مطحون
خل تفاح حسب الخليط
بالنسبة للمعالق يكونو عامرين

الطريقة

نخلطو جميع العناصر و نخليو الخليط مدة ليلة كاملة ثم نديروه على الشعر
مايكونش الشعر مغسول و ندلكو فروة الراس مزيان باش تدخل العناصر في بويصلات
الشعر و نخليوها حتى تيبس فالشعر تقريبا مدة نصف نهار و قدما بقات مزيان
ثم يغسل الشعر و باش تثبث الصباغة مزيان فالشعر و يشد اللون نجمعو الشعر
و نشفوه بالسيشوار
نستعمل الوصفة 3 مرات في الشهر باش نحصلو على اللون اللي بغينا
نصيحة باش تثبث اي صباغة في الشعر ناخدو كمية كافية من اوراق اللواية و نطبخوهم في الماء و
نصفيو الماء و نشللو بيه الشعر في الاخير كتثبت الصباغة و تبقى مدة طويلة



اللون الاشقر

2 م ك الماء الزهر
2 بيضات
عصير 2 حامضات

فى الخلاط نديرو البيض وماء الزهر
والحامض شوية بشوية بحال المايونيز حتى يطلع ويعقاد ندلكو بيه الشعر
ونحليوه ساعتان مع تنشيفه بالسيشوار





اللون الكستنائى

عصير حامضة
2 حفنات البابونج

نديرو البابونج فى الماء غليان نصف
ساعة يصفى والماء يدلك به الشعر مع تنشيفه بالسيشوار كل يوم

وصفة اخرى للون الكستنائى

6 الحامضات
3 اصفر البيض
2 كيسان الماء ورد
نخلطو عصير الحامض مع البيض وماء
الورد تنديروه على الشعر خاصو يكون مغسول وناشف ونتبتوه بالسيشوار نخليوه فى
الشعر 30 د او اكتر و يغسل

اللون
الاسود

السواك محمر وطحون ومغربل
1 كاس كبير الخل اي نوع
الحنة

نديرو الحنة والسواك وتخلط بالخل
تبقى 15 د نعملوه على الشعر حتى ينشف
من بعد يتغسل

الاسود الغامق
سواك مطحون
الخل

تندهنو بيه الشعر حتى ينشف

هاد الوصفات كدار 3
مرات فى الشهر



وصفات
لتسويد الشعر اكثر و تثبيث اللون الاسود
الوصفة الاولى
المكونات
3 معالق كبار ريحان مطحون
كاس كبير زيت زيتون
نخلطو العناصر و نديروهم فوق نار هادئة حتى يغلي الخليط مزيان و نزولوه من
فوق النار و نديروه في قرعة زجاج لونها غامق (بحال قرعة السيرو) و نبقاو
ندهنو الشعر يوميا بشوية الزيت فالنهار او في الليل قبل النوم و ندلكو
الفروة مزيان و نخليوه و يغسل الشعر في نهاية الاسبوع يعني مانحتاجوش نغسلو
الشعر من الزيت
الوصفة الثانية
المكونات
كاس كبير حرمل صحيح ما مطحونش
كاس كبير خل ابيض
نديرو العناصر تطبخ فوق نار هادئة مدة 10 دقائق ثم نديرو الخليط في قرعة
زجاج داكنة اللون و نبقاو ندهنو الشعر يوميا بحال الوصفة الاولى مدة اسبوع و
يغسل الشعر في نهاية الاسبوع و يمكن تكرار الوصفة من بعد
هذه الوصفات صالحة للشعر اللي لونه اسود اصلا او
مصبوغ بالاسود كيثبت فيه اللون الاسود و كيولي في اللمعان
للشعر الجاف


- I -
ملعقة كبيرة زيت الزنجلان
بيضة من الاحسن بلدية
ملعقة صغيرة عسل حر
ونعملوها للشعر ديالنا هاد الوصفة

للشعر الجاف جدا


- II -
؛ 2 معالق كبار زريعة المعدنوس مدقوقة
ـ 2 معالق زيت الخروع
ـ 2 معالق خل التفاح


لمنع تاسقط الشعر ـ ربيعة من القصر الكبير

6 معالق كبار خل ابيض
20غ مردودش
50غ منقوع الترمس ( نأخد الترمس نخوي عليه ماء غليان ونتركه ليلة كاملة
وناخد الماء ديالو )
50غ زيت الخص او عصير الخص إذا لم يتوفر الزيت
25غ زيت الزيتون

نخلط العناصر وبعد غسل الشعر ندهن به ، يمكن أن نذهن به يوميا
والا شاط ماء الترمس نشلل به الشعر فهو جد مفيد

والترمس اللي شاط لينا نطحنه و نخلطه مع ياغورت او شوية الحليب او اصفر
بيضة ونعملوه كماسك للوجه مفيد لتصفية البشرة




الصلع الرقعي سببه اضطرابات عاطفية عند الشباب و يكون بظهور دوائر
فارغة في الرأس واللحية ويرافق الشاب 10 سنوات

الوصفة :

مسحوق الشيح يخلط مع اي زيت مفضلة ومن الافضل زيت الخروع ويدهن بها
الرأس واللحية مرتان في اليوم. وقبل النوم تفرك الدوائر الفارغة من الرأس
واللحية بدوائر الحامض




لبداية ظهور الصلع : ربيعة من القصر الكبير .

2 م ك عصير شواشي الذرة (يعني زغب الكبال) والعصير نحصل عليه بعد ما
ناخد شعر الذرة نفرمه جيدا ثم نطحنه مع الماء في الخلاط الكهربائي ويصفى
80غ زيت القرنفل
قرعة كبيرة خل ابيض

نخلط الكل توضع في قرعة زجاجية ذات لون غامق ويدهن به الرأس جيدا صباحا
ومنتصف النهار ومساء يعني 3 مرات في اليوم وذلك يوميا حتى تسالي القرقة



لمنع تساقط الشعر ـ ربيعة من القصر الكبير

250غ زيت الزيتون
30غ زيت اللوز
80غ زيت الخروع
30غ خل التفاح

نخلطو زيت الزيتون مع زيت الخروع على نهار مهيلة ونبقاو نحرك حتى يقرب
يغلى الزيت ملي يبرد نزيد عليهم خل التفاح و زيت الوز ونشقق به الشعر
بشيتة الأسنان اوبايدينا قبل غسل الشعر وكذلك بعد الغسل
مع حك فروة الرأس

كتنصح الأخت ربيعة بأكل الملفوف أخضر و اللوز


لمنع تساقط الشعر

25 نقطة ماء الورد
ربع كاس منقوع أوراق الحنة
250غ زيت الزيتون
200غ زيت اللوز

تخلط العناصر مزيان في قرعة وكلما غسلنا شعرنا ندهن به الشعر يوم آه
ويوم لا



علاج الشعر الذي ينتفخ بعد السيشوار

1 م ص زيت الزيتون أو زيت اللوز
2 م ص خل التفاح أو الخل الأبيض

تخلط المواد و نذهن الشعر يوميا
 
 


رَبِـيْ..
بـِ قدر طيبتي ألهمّنيْ صبْراً ]وبِـ حَجمْ صبرَي []أرزقنيْ أِملاً
وأجْعِلنَي أبتْسَم ]لأجْعلْ الأسِىَ يصبح أَجْمَــلْ
 
robi nour
 
 

جمعة مباركة على جميع المسلمين و المسلمات

اللهم اجعلنا نمشي في روضك..

وندرج على حبك.. وحيا على ذكرك..


ونستقيم على قرانك.. ونموت على شهادتك..


اللهم بارك لنا ولوالدينا


في جمعتك وارحمنا يا ارحم الراحمين برحمتك..


جمعة مباركه


بارك الله لك الجمعة وطيب السمعه..

واغدق عليك النعمه..


واصلح لك الباطنه..


وهداك طريق الجنه..


وشفعك برسول الامه..


فصلي وسلم على شفيع الامه..


جمعة مباركة..




جعل الله الجنة دارك والرسول جارك


والسندس لباسك ومن الحوض شرابك..


ياقيوم: انت القائم على كل نفس


بماكسبت، واجعلني واحبتي ..ممن


يطيعك ويقوم بحقك وامرك،ولا يغفل عن ذكرك..


" جمعه مباركه"




كل جمعة وانت الرحمن اقرب،،


وايمانك بالمنان اعظم،،


كل جمعة ووجهك بالطاعات انور،،


كل جمعة وصحائف اعماللك بالحسنات تنطق،،


كل جمعة وهمتك لبلوغ الجنه تكبر،،



إجمالي مرات مشاهدة الصفحة