الخميس، 1 مارس، 2012

ركن خاص بشهيوات لالة مولاتي

حلوة البوق
4 بيض 2 كيسان زيت 2 كيسان سنيدة 2 خميرات نص كاس عصير الليمون قشرة ليمونة رابعة زبدة ماركرين دقيق حسب الخليط
بالنسبة لاي حلوة كنخلطو في الاول البيض وسنيدة فالخلاط الكهربائي من بعد نضيفو باقي المقادير تم نخرجوها بالبوق يمكن لنا نقسمو العجينة نديرو وحدة بالكاكاو وحدة عادية
حلوة بالخل
رابعة زبدة كاس سكر كلاص 2 الى 3 قطرات روح فاني دقيق نطلقوها ونقطعوها على شكل قليبات نفندوهم فالخل وسنيدة ولما تطيب نلصقوهم بالشكلاط*

الشهدة
كاس زيت كاس سنيدة ملح 2 بيضات واحد بياض بيضة كاس ونصف حليب 2 م خل 2 م خميرة بلدية دقيق حسب الخليط والعجينة ماتكونش قاصحة
ندهنو مول بالزبدة ونرشوه بالدقيق نديروكويرات العجينة وحدة حد وحدة وبيناتهم نحطو طريفات من الشكلاط نخليوها تخمر ساعة تم ندهنوها باصفر بيض ولما تطيب نسقيوها بالعسل
كراتان بالكرعة
نشحرو بصلة مع الزبدة ملح ابزار نقطعو 5 كرعات على شكل طولي ونغليوهم فالماء و الملح نصفيوها تم نقليوها
نشحرو رابعة دجاج فالزبدة ملح ابزار وشوية الماء
زيتون اسود نقطعوه طريفات
نخلطو دانون مسوس ونفس عبارو حليب تم نطربو 4 بيضات وزبدة ملح من بعد ناخدو مول مدهون بالزبدة نديرو طبقة من البصلة نزيدو نصف كمية الكرعة زيتون دجاج نصف خليط دانون البصلة تاني الكرعة وهكدا حتى نكملو ونختمو فالاخير بالفرماج محكوك

الزيتون مشرمل كيجي رائع
نص كيلو زيتون بلا عظم يتغسل مزيان
حك درة
قزبر و معدنوس
شوية الكامون
فلفلة حمر و خضرة مقطعن صغيور
شوية زيت العود حتى لأ خير عاد نضفه
حك طون
شوية لهريسة
بريوش
نصف كيلو الدقيق
رابعة زبدة
150g سنيدة
ملح 3بيضات
كاس حليب
50gسنيدة وبيضة للتزيين
الماء الدافئ باش نعجنو


خبز الشاورما
نصف كيلو الدقيق
معلقة كبيرة سنيدة
معاقة كبيرة خميرة الخبز
نصف كاس الزيت
ملح
نعجن الكل وندلكوه مزيان ونخليوه يخمر في القصعة من بعد نعملو كويرات صغار
ونبسطوهم مزيان ونتركهم لمدة ربع ساعة ونطيبوهم عادي بحال البطبوط

صلصة الشاورما
ياغورت مسوس
النعناع
الخل
القرفة بسيبيسة قزبر يابس قرنفل الزعترالثوم القرنفل
يخلط الكل في الخلاط الكهربائي ويستعمل


حلوة الصخرة بالكاوكاو
1كيلو الكاوكاو محمر ومهرمش
5بيضات
رابعة الزبيبمقطع ومرقد في الماء لمدة ليلة كاملة
3كيسان العنبةسنيدة
رابعة الشكلاط ابيض
تعمل مثل الصخرة تاخد برؤوس لاصابع وتعمل في طاوة مدهونةلما تطيب تلصق وحدة بوحدة بالشكلاط الابيض

بينيي
2بيضات قبصة ملح
1خميرة الحلوى 1فاني
نصف كاس سنيدة نصف كاس زيت نصف كاس عصير الليمون
الدقيق حسب الخليط
تدلك مزيان تورق وتقطع بمرشم دائري مشنف من الجناب تقلى في الزيت ثم تزين بالسكر الكلاصي

حلوة الفرماجة
رابعة الزبدة 2 فرماجات دقيق حسب الخليط
تطلق بالمدلك وتقطع علي شكل هلال ولما تطهي تفند في سكر كلاصي

حلوة الصخرة
كيلو كاوكاو محمر ومهرمش بالقشور رابعة السنيدة 3البيضات كاس زيت 2قاني شكلاط ابيض لتزيين
نطرب البيض امعا سنيدة ونزيدو قاني والزيت والكاوكاو وناخد الكورة باطراف الاصابع ابحال الصخرة وماللي تطيب نزينوها بالشكلاط ابيض علا شكل خطوط

حلوة المكينة ديال الكفتة
كاس الزيت
نصف كاس زبدة دايبة
2بيضات
كاس سنيدة
نصف كاس الزهر
نصف كاس النافع والجلجلان مطحونين
2خميرة
1فاني
الدقيق حسب الخليط
الحليب الدافئ لجمع العجين
يخلط الكل وتخرج في المكينة ديال الكفتة في البوق على شكل اصابع وتدخل الفرن
حلوة الفورشيط
كيلو الفورص
رابعة الزبدة
2كيسان الزيت
1خميرة الحلوى
كاس دانون بنان
تعمل على شكل كويرات وترشم بالفورشيط وتدخل الفرن لما تطيب تفند في السكر كلاصي

حلوة بنسكافي
250gالزبدة
3معالق نسكافي ما يعادل 3ساشيات
1معلقة سكر كلاصي
نصف خميرة الحلوى
رابعة الشكلاط اسود
يجمع العجين ويورق بالمدلك ويقطع بالمرشم حسب الرغبة وتدخل الفرن لما تخرج تغطس في الشكلاط وتزين بالعقيق
حلوى على شكل كركاعة
رابعة الزبدة
2كيسلن الزيت
2كيسلن سنيدة
1ياغورت طبيعي
2معالق كاكاو
الدقيق حسب الخليط
تخرج بالبوق المسنن على شكل وردة تدخل الفرن لما تخرج تلصق وحدة بوحدة بالشكلاط الابيض

العصير
كيلو الحامض انحكوه ونعصروه وكيلو الا ربع سنيدة نحركوه ونزيدو لتر ماء طايب ونخليوه 12 ساعة
يصفي وناخدكاس العنبة نعبرو بيه ويوضع كلا كاس في بلاستيكا ويوضع في الفريكو
وماللي نبغيوه ناخد كاس العصير ونزيدو عليه لتر ماء او اقل اعلا حساب الدوق راه تيجي راءع

حلوى الوريقات
4 بيضات +2كيسان عنبة سكر سنيدة +2كيسان زيت +2كيسان
كوك+2 الزا +2 لفني +طحين حسب الخليط
نخلط الكل و نحربلوه على شكل اصابع و نفندوهم في سكر سنيدة ونفلحوهم بالموسى و ندخلهم للفرن .

حلوة الفلفلة من عند خالتي كنزة
رابعة الزبدة
كاس ونصف سكر كلاصي
كاس ونصف زيت
2كيسان جنجلان
نصف خمارة
2كيسان كاوكاو محمر ومهرمش
4البيضات دقيق حسب الخليط
ملون احمر واخضر عواد القرنفل لتزيين
نخلط جميع المقادير وتقسم اعلا 2 واحد انضيفو ليه ملون احمر و واحد اخضر
وتتشكل حرابل صغيرة وتعمل ابحال الفلفلة ونضع لقرنفل الفوق وتطهى قالت انها كتجي زوينة
حلوة ريشبوند من عند خالتي كنزة
4البيضات
زلافة صغيرة اديال الزيت
زلافة صغيرة اديال السنيدة
رابعة الزبدة
3الخمارات
الدقيق حسب الخليط
كونفتير وماء الزهر لتفنيد بعد الطهي
كنديرو كويرات من العجين وتكون صغيرة وبعدما تطيب انديروها في الكونفتير ونفندوها في الكوك
قالت رابعة اديال الكوك
__________________



سابلي باللوز والكراميل من عند سناء
العجين رابعة الزبدة
150gسنيدة
4البيضات
1قاني
850gالدقيق
الحشو
حك نسلي طايب 45دقيقة
500gاللوزمحمر ومطحون او كاوكاو
كنجمعو العجين ونقطعوه اعلا شكل هلال وكندهنهم بالبيض وقالت انسرحهم بالمدلاك اللي كيكون فبه تشراط ويدخل ليطهى
بعد ماطاب كنخلطو اللوز والكراميل وكنديرو منهم حريبلات صغار ونبداو انلصقو كل 2 الهلالات بالحشوة
نتمنى اتكون الفكرة وصلت



كراتان بالسردين
كفتة سردين نشرملوها بالتومة ربيع ملح تحميرة كامون ابزار هريسة ونديروها فمول مدهون بالزيت نرشو عليها الروز العادي مسلوق تم الفلفلة خضرة مقطعة تم ماطيشة محكوكة ونفس الشرمولة لي درنا مع السردين وفي الاخير نديرو الفوق البيض مطرب



بسطيلة
كيلو لحم مقطع على مكعبات صغار
2 بصلات
فولات الحولي والكلوات ايضا
شعرية الصينية
زيتون مقطع
زبدة
زيت
500غ ورقة البسطيلة
معدنوس ملح ابزار
سكنجبير تحميرة
هريسة 5بيضات مسلوقين
الفطر
كنشحرو المقادير مع التوابل نديروه فاناء ونضيفو البيض محكوك و نعمرو بيه الورقة على شكل بسطيلة ندهنوها بالزبدة وندخلوها الفرن تطيب



غريبة بنسكافي
زبدة ماركرين كاس سكر كلاص نص كاس زيت 6 ساشيات نسكافي باكية صغيرة شكلاط غبرة 2 خميرات فاني دقيق حسب الخليط نخلطو المقادير ونديرو منها كويرات نعمروهم بحشوة متكونة من الكوك سكر كلاص وماء زهر تم نشكلوهم على شكل غريبات ونطيبوهم فالفرن



الدجاج فالفرن
4 فخاد دجاج 1 م موطارد ملح ابزار سكنجبير 2 تومات نخلطو كلشي ونخليوه يرقد ليلة من بعد نبخروهم تم نديروهم فالدقيق والبيض ولشابلير ونقليوهم





حلوة باللوز من عند سناء
2بيضات
80غ زبدة ماركرين
80غ نسلي
100غ لوز مطحون
150غ فورص
1خمارة
1قاني
للتزيين

رقائق اللوز
انطربو اصفر البيض بالباطور مزيان انزيدو عليه قاني ونسلي وزبدة واللوز والملح انكونو طفينا الباطور عاد انزيدو الدقيق والخمارة
انديروها كويرات وتوضع في ابيض البيض وتفند في اللوز وتدخل للفرن وماللي اتخرج بالسلامة ههههه انديروها في العسل مباشرة منسم بماء الزهر
وتوضع في كويغطات




حلوى الشهدة
نصف ليتر حليب +قبصة ملح +ملعقة قشور ليمون +شوة خميرة العجين+2 بيضات معزولين البياض للحلوى و الصفر للدهن+1 الزا حمراء+1 لفني+كاس زيت+2 كيسان سكر +طحين حسب الخليط
نخلط الكل بحال عجين البريوش و يترك يخمر و من بعد يكور كويرات صغار في المول تم نتركها تخمر مرة تانية تم ندهنها بالصفر + الزنجلان

كيكة

3بيضات
نصف كاس عنبة زيت
كاس عنبة سنيدة
كاس عنبة حليب
دانون فاني
3خميرة
التمر شوية مقطع طريفات
2معالق كبار الفورص
زلافة النخالة محمرة
كنخلط الكيك عادي ونعملوه في مستطيل مدهون بالزبدة ومرشوش بالطحين



كيكة لمرضى السكري
3 البيضات+1 ياغورت طبيعي+3 الزا حمرين+كاس الزيت+كاس عصير الليمون+قشرة حامضة

ونخلط الكل بالمولينيكس مع اضافة الطحين حتى الحصول على سمك عجين الكيك ونصبه في مول و ندخله للفرن .

كيكة بالمشروب الغازي
2بيضات
2خميرة
كاس الزيت
كاس سنيدة
كاس كوكا كولا
كاس كاكاو
2كيسان دقيق
غريبة البهلة في الكوكوط
كيلو ونصف الدقيق
رابعة الزبدة
كاس عنبة زنجلان محمر
3كيسان الزيت عنبة
3كيسان عنبة سنيدة
نصف كاس ماء الزهر
3خميرة
نجمع الخليط عادي وندلكوه مزيان ونعملوه في الكوكوط لمدة ثلاث ساعات

من بعد نكوروها وندخلوها الفرن


حلوة البيض المسلوق
رابعة الزبدة عادية
4اصفر البيض مسلوق
كاس السكر كلاصي
كاس زيت
1خميرة
للتزيين

الشكلاط اسود وبيمو طونيك مطحون
نخلك الكل تعمل مثل غريبة وتكون صغيرة شوي وتدخل الفرن

لما تطيب نغطسوها في الشكلاط دايب وتمرمد في بيمو
غريبة بالكركاع
115g الزبدة
2معالق سنيدة
معلقة فاني قبصة ملح
115gكركاع مهرمش او مطحون
للتزيين

سكر كلاصي
نعملوها مثل غريبة ونرشموها بالمرشم وندخلوها الفرن

لما تخرج من الفرن تفند في السكر كلاصي

حلوة العش
كيلو ونصف كاوكومكلي ومطحون بقشرته
قرعة المربى جاري
معلقة كبيرة القرفة

للتزيين

نصف كيلو زنجلان محمر
نصف رابعة الشكلاط ابيض
نصف كاس ماء الزهر
بياض بيضة للتزيين
في انا نخلط الكاوكاو مع المربى مع القرفة مع الزهر
وننكورها كويرات صغار نغطسوها في ابيض البيض ونفندوها في الزنجلان ثم نعملوها في لاطة مدهونة ونثقبوها في الوسط تدخل الى الفرن

لما تخرج نعمرو الثقبة بالشكلاط ابيض



حلوى البلوطة
ربعة الزبدة +كاس الزيت+2 كيسان سكر سنيدة +2 بيضات +2 خميرات الزا +2 لفني
ربعة لوز مفسخ و مقلي
ربعة شكلاط اسود و الشكلاط الابيض
نخلط جميع المقادير ماعدا اللوز و الشكلاط و نشكلوها بحال البلوطة و نضع اللوزة في الوسط
وندخلها للفرن ملي تطيب نغطسها في الشكلاط اسود ذايب و نصنع خيوط من الشكلاط الابيض





اللحم على الطريقة الرباطية
كناخدوا اللحم و نحكوا عليه البصلة و الملحة و الابزار و الحرقوم البلدي و الزعفران الحر بزايد
و اسكنجبير و شوية الزيت و 2 بصلات مشلظين فاش يتقلى اللحم و نمرقه
و فاش قرب يطيب نزولوا شوية مرقة
و نضعها في مقلاة و نضيف لها الربيع + البيض مطرب و نشكلها ك اومليط
و ملي يطيب اللحم نحطوها في الفوق +اللوز مفسخ و مقلي





حلوى عيد الميلاد فوري

180 غرام سكر سنيدة+140 غرام فورص +6 البيضات+40 غرام كاكاو مر +180 غرام طحين +2 الزا حمرين
نطربوا البيض مع السكر حتى يصبح مرغوي مزيان تم نضيف الطحين و الكاكاو و الخميرة يكونوا مغربليين
ونصبها في مول و ملي تطيب نقسمها و نسقيها بالسيرو ديال الفواكه المعلبة
و نزوقوا بلكريم شونتي + قطع الفواكه +قطعة الحلوى و نسقيها + لكريم تم نزوقوها على دوقك
و الجوانب نزوقوهم بالشكلاط شعرية ملونة او حيب اللي موجود



العنكرة محمرة
ناخدو العنكرة نزولو لها العضام تولي على شكل فيلي نخلطو الملح ابزاراسود ابزار ابيض زيت الزيتون زيت عادية سمن توم الربيع تم ندهنو بيه العنكرة نلويوها ونجمعوها بالخيط وندهنوها تاني بنفس الخليط كنديروها تطيب من بعد نحمروها فالفرن

مسمن باللوز
كيلو دقيق 2 بيضات 2 خميرات ملح نعجنو العجينة وندلكوها مزيان تم نورقوها على شكل مسمنات نعمروهم باللوز مسلوق من الاحسن يكون مسلوق حيت غادي يتقلا من بعد نقليوهم وندهنوهم باللوز مقلي والعسل



دانيت بالشكلاط

نصف لتر حليب 100ريال شكلاط ديال 4دريال اي 25 قطعة نوضعهم في كسرونة ف البوطة حتى بدوب الشكلاط فقط بلا ما يغلى الحليب نتركو يبرد ناخد مولينكس عفواالخلاط الكهرباءي _هههه_نوضع الخليط نضيف فاني ثم معلقة ونصف دقيق 1 بيضة السكر حسب الدوق نخلط الكل ثم نرجعو للكسرونة نبقى نحرك بمعلقة ديال العود حتى يعقد نوضعو في زلايف او ناكل به خبيز مع الفطور او الكوطي


كاليط

كاس عسل//كاس سنيدة 2 بيضات 1 للدهين 2 فاني 2 خمارات كاس زيت قبيسة ملح الدقيق حسب الخليط نجمع الخلط ثم ناخد لاطة نوضع فيها بابي كلاصي ناخد العجين نبدا نعمل صبيعات نوضع وسط منهم شوية ديال شكلاط ثم نوضع في اللاطة حين نكمل ندهن بالبيضة لي بقات ثم ناخد فرشط نجر به الكليط فحال الفقاس ندخلو للفرن



حلوة البوق
500 كوك 8 بيضات 2 كيلو دقيق نص لتر زيت كيلو الا ربع سنيدة 2 حامضات محكوكين 4 خميرات نخلطو المقادير تم نخرجوها على شكل وردة بالبوق ونزينوها بالفواكه المعسلة
غريبة الشميشة
رابعة زبدة 2 كيسات سنيدة 2 خميرات كاس ونص زيت 2 بيض ملح برتقالة محكوكة دقيق حسب الخليط
نخلطو المقادير ونديرو منها كويرات نفندوهم فسنيدة ونطبعوهم بمرشم البطاطا ولما يطيبو نديرو فدوك التقيبات شكلاط مدوب


كيك بالقهوة والكركاع
2 بيض
100 غ سكر
100 غ كركاع
100 غ زبيب
2 خميرات
100 زبدة
2 م ك نسكافي
200 دقيق
ملح
كاس الا ربع حليب
كنخلطو الزبدة سكر البيض الخميرة الدقيق ملح القهوة ندوبوها فالحليب وفالاخير نضيفو الزبيب والكركاع بعد ما نكونودوزناهم فشوية الدقيق تم ندخلو الخليط الفرن

حلوة التمر
رابعة زبدة
كاس زيت
كاس سنيدة
نص كاس ماء زهر
خميرة
دقيق
الحشوة

رابعة تمر مخلط مع زبدة 1 م ماء زهر ونص م ص قرفة مخلطة مع قرنفل
نخلطو المقادير الاولى نديرو منها كويرات نعمروهم بالحشوة تم نضغطو عليهم بالمرشم ونطيبوهم فالفرن





حلوى بكاوكاو و الشكلاط
125 غرام كاوكاو محمر و مقشر و مهرمش+150 غرام شكلاط اسود+ملعقة صغيرة لفني منسم بالزهر
نخلطوا الكاوكاو مع الفاني و نجمعه بالشكلاط دايب و نصنع كويرات و نضعها في قويعطاط و ندخلهم للمجمد

عصير الكورجيت
4 كورجيت مسلوق نطحنها مع نصف ليتر حليب و 1 دانون فاني+سكر حسب الذوق و نطحن الكل جيدا



دانون منزلي
200 غرام حليب غبرة +اترو ماء بارد+1 الزا
اترو ماء ساخن +1 دانون طبيعي +150 غرام سكر سنيدة مخلطة مع واحد كيس لفني
نخلط بودرة الحليب مه الماء البارد + دانون + السنيدة مع لفني + الزا حمراء ونطرب مزيان في الخلاط الكهربائي
تم نضيف الماء الساخن مع التطريب تم نكبوهم في الماكينة ديال دانون و اللي ماعندها ديك الماكينة
تكبهم غير في كيسان و تحطهم في حمام مريا يكون الماء ساخن و تغطيه بالفوطة بعد منغمسوها في الماء الساخن و نشفوها

كيكة منمرة

4البيضات كاس زيت كاس سنيدة 2 خمارات 200غرام طحين 2 معالق كاكاو الطريقة نخلطو الكل نقسمها على 2 نصف ابيض والاخر نخلطو بكاكاو ندهن المول ثم ناخد 2 معالق نوضع مرة بيضة ومرة كحلة حين نكمل ندخلها للفرن راها كات جي منمرة



كيكة مالحة

5 البيضات كاس حليب نص كاس زيت بصلة محكوكة معلقة زبدة م علقة ربيع مقطع 4 الخمرات شوية فرماج محكوك شوية ملح ابزار كمون 3 كيسان طحين نخلط الكل نوضع في المول مدهون ندخلها للفرن



بريوات بالفرماج

بصلة مشلضة مع الملح ابزار زبدة نضيفو 2 بكيات الفرماج بكية مربعة وبكية مثلثة ثم 4 البيضات ثم شوية ديال الفرماج احمر محكوك نطفيو على النار ثم ناخدو الورقة ثمنعمروهم نوضعوهم في الفريكو حين نبغيوهم نقليوهم او نطيبوهم

كيكة بالتفاح

2 بيضات 2 تفاحات محكومين 2خمرات س زيت كاس سنيدة كاس طحين نخلطو الكل في الخلاط الكهرباءي نوضعوها في المول مدهون ثم ناخدو 2 تفاحات اخرين من غير لي درنا في الخليط نقطعوهم نزينو بهم الكيك من الفوق ندخلوها للفرن

المروزية
كيلو لحم
راس الحانوت
نص كاس عسل حر
رابعة لوز مسلوق مقشر
500غ زبيب
200غ زبدة
نص كاس زيت
نص كاس زيت
ربع معلقة ص قرفة
نص م ص سكنجبير
1 م ص ابزار
خرقوم
زعفران شعرة
ملح
نخلطو اللحم والتوابل وشوية ماء من بعد نديروه يطيب مع البصلة محكوكة اللوز لمدة ساعة ونصف تم نضيفو الزبيب مسلوق والعسل

نخليو المروزية تعسل شوية واحد ربع ساعة

حلوة الرخامة
كيلو تمر
رابعة كركاع
رابعة فورص
2 كيسان عنبة زيت
4 بيض
كيلو الا ربع شكلاط اسود
3 دراهم شكلاط ابيض للتزيين
كنطربو البيض وزيت الفاني فالخلاط الكهربائي نصبوه فاناء ونضيفو الدقيق التمر مقطع رقيق والكركاع ناخدو لاطة طويلة مربعة الشكل نلبسوها بورق الالمنيوم ونسرحو عليها الخليط وندخلوها تطيب فالفرن نخرجوها ونضيفو عليها طبقة من الشكلاط اسود مدوب والشكلاط ابيض على شكل خطوط ونزينوها على شكل ميل فوي كنخليوها حتى لغد عاد كنقطعوها

كرواصة ساهلة
كيلو دقيق
كاس زيت
كاس سنيدة
الخميرة بلدية
ملح
نجمعو المقادير وندلكوها مزيان العجينة تكون مرخوفة نخليوها تخمر ساعة عاد نديرو منها كويرات لما يخمرو ندهنوهم بالبيض و نطيبوهم فالفرن



حلوة الرخامة
1كيلو غرام كاوكاومحمر ومطحون ومقشر ومطحون ونجمعوه بالعسل او حليب نستلي كنفرشو ميكة في شي لاطة ونصبو فيها الخليط وندوبو الشكلا ونخويوه فوق الخليط وندخلوه الثلاجة حتى يبرد وكنقلبو الحلوة ونعاود نصبو عليها الشكلاط من الضهر ديالهاونتركها حتى تبرد وقطع حسب الرغبة





حلوة بالجلجلان والنخالة
نصف كيلو جلجلان محمر ومطحون 2كيسان صغار سكر كلاصي
3بيضات نصف كاس زيت
100كرام النخالة رقيقة
1خميرة 1فاني
يجمع الكل وتكور كويرات صغار تفند في السكر كلاصي وتدخل الفرن





حلوة
نصف كيلو زبدة عادية
كاس اللوز محمر ومهرمش
كاس الكركاع مهرمش
كاس الزنجلان مهرمش
كاس الكاوكاو محمر ومهرمش
2معالق النافع مطحون
معلقة القرفة
2كيسان السكر كلاصي
كاس الزيت
الدقيق الكافي للخليط
نجمع الخليط ونورقوه بالمدلك ونقطعه بالمرشم المتوفرة تدخل الفرن لما تخرج تفند في السكر كلاصي





فقاص بالشكلاط
4بسكوي هنريس مطحون مزيان
طاسة ديال les fruits confits
علبة ديال نستلي الحليب المركز المحلى
رابعة ديال الشكلاط اسود
100ريال الشكلاط فرميسيل كنجمعوالبسكوي مع الفواكه مع نستلي مزيان ونعملوهم على شكل حرابل مثل الفقاص نعملوه في البابي المنيوم ونصبو عليه الشكلاط مدوب ونرشوه بالفرميسيل ويدخل الثلاجة حتى يبرد ثم نقطعوه مثل الفقاص


la creme brulee
1نصف لتر حليب يفيض مع سكر فاني ونزولوه من النار ونتركه يدفا

2 نطربو 4بيضات مع مئة كرام سنيدة مزيان ونزيدو عليه خليط الحليب ونزولو منه الرغوة اللي تولي مع التطراب
150 كرام سنيدة نعملوها فةق البوطة مع معلقة الماء حتى نحصل على كراميل
ناخد لمول صغارو نعملو فيهم الكراميل زائد الخليطالذي سبق وحضرناه ونعملوهم في حمام مائي في الفرن حتى يطيبو

ومني نخرجوهم نتركهم حتى يبردو ونقلبوهم في طبيسلات ويقدم بارد

حلوة الرخامة
500 كركاع مهرمش
500 غ كاوكاو محمر مهرمش
500 تمر بلاعضم مبخر
كيلو الاربع شكلاط اسود
500 غ شكلاط ابيض
شوية دقيق لي يجمع الخليط
نخلطو المقادير من غير الشكلاط ونفرشوها فلاطة تم نتكوها بالفورشيت وندخلوها الفرن تطيب من بعد نكبو عليها الشكلاط الاسود مدوب ونزينوها بالشكلاط الابيض على شكل ميل فوي



غريبة بالكاكاو
3 بيض
2 خميرات
2 كيسان سكر كلاص
2 كيسان زيت
50 غ كاكاو
دقيق حسب الخليط
كنديرو العجينة على شكل غريبات وندخلوهم الفرن من بعد ندهنوهم بالمربى مخلط مع ماء زهر ونفندوهم فالكوك



دجاج بالبصلة
دجاج ملح ابزار سكنجبير توم قشدة او دانون مسوس معدنوس نخلطو المقادير وناخدو مول نلبسوه بورق الالمنيوم نزيدو البصلة دوائر الدجاج مع لاصوص ديالو تم الفرن

الكرمب معمر
2جزرات محكوكين 2 كرعات محكوكين رابعة كفتة ملح ابزار اسود ابزار ابيض ورقة موسى زيت الزيتون كنشحرو هاد المقادير مزيان تم نعمرو بيهم وراق الكرمب مسلوقين نص سلقة ونشدوهم بعويدات نحضرو صلصة الطماطم بنفس القادير ونديرو الكرمب يطيب فيها

غريبة بالكوك
رابعة كوك
رابعة زبدة
3 خميرات 2 فاني
كاس ونص زيت 2 كيسان سكر كلاص
3 بيض
للتزيين

بياض بيض وكاوكاو
دقيق حسب الخليط
كنخلطو العجينة نديرو منها غريبات ندهنوهم ببياض بيض وكاوكاو الوسط تم الفرن



غريبة الكوك والسميدة
500 غ كوك
كاس سميدة رقيقة 3 خميرات
3 كيسان عنبة زيت
3 كيسان سنيدة
5 بيضات كبار او 6 صغار
دانون
دقيق
للتزيين

ماء زهر ورابعة سكر كلاص وكاوكاو
اولا نخدمو البيض مع سنيدة عاد نزيدو باقي المقادير العجينة تكون مرخوفة بزاف نخليوها ترتاح 2 سوايع عاد نشكلوها غريبات بماء زهر ونفندوهم فالسكرتم الى الفرن

حلوة

250غرام ماركرين 250غرام سنيدة رايبي 1خمارة الطحن حسب الخليط حلوة نجمعو الكل على شكل صبيعات نضغطو عليها بالفورشيط

ندخلها لفرن حين تطيب ونلصقوها بالشكلاط

البريوش
500 غرام طحين فورص
250 غرام زبدة
150 غرام سكر سنيدة
1 ملعقة كبيرة خميرة الخبز
ملح
6 بيضات : 3 في العجين و 3 ندهنوا بيهم من الفوق
كاس ديال الحليب (يمكن كاس العنبة)
50 غرام سكر سنيدة للتزيين

الطريقة
الدقيق يخلط مع الزبدة و السنيدة و الملح و الخميرة
الحليب يطرب مع البيض ثم نضيفوه على خليط الدقيق
ندلكوا العجينة مزيان و يمكن نزيدوا ليها حتى الماء دافيء
نغطيوها بغطاء مزيت و نخلوها 4 ساعات
نعملوا منها كويرات صغار نحطوهم في الكويغطات و ندهنوهم بالبيض ندردروا عليهم سنيدة من الفوق
و اخيرا بالسكين نعملوا فوقهم 2 شرطات على شكل علامة + و ندخلوهم الفرن



عجينة بيزا مورقة

كيلو فورص نصف لتر لبن نصف كيلو زبدة ملحة نخلطو الكل باللبن تفيد المورقات و شوصون

الضلعة محمرة
كركوبة توم مدقوقة مع الملح نخلطوها مع السمن زعفران شعرة خرقوم بلدي ابزار ابيض كامون زيت ملح ندهنو بهاد الخليط الضلعة نفلحوها ونغرسو فيها تومة صحيحة ونردوها تطيب فطنجرة مع الشرمولة ديالها وشوية ماء لما تغلى نزيدو الزيت ونخليوها تطيب من بعد ندهنوها بالزبدة ونحمروها على الفاخر ونزينوها بعويدات فيهم مربعات الكاشير والزيتون الفرماج ونقدمو الطبق مرافق بالكامون



بطاطا فالفرن
3 بطاطا كبار مقطعين دوائر1 م ك موطارد 1 م زعيترة 2 م ك زيت بلدية نخلطو كلشي ونديروه فمول تم الى الفرن مرة مرة نحركوه



البطاطا مقطعة فريت

نغليوها فالماء مرة وحدة تم نصفيوها ونشفوها مزيان من الماء ونرشوها بدقيق القمح تغطى كاملة بيه ونقليوها فالزيت
حلوة الشعرية
ناخدو شعرية السفة الرقيقة نقليوها فالزيت ونخلطوها مع اللوز او كاوكاو والشكلاط ونديروها فكويغطات



كيكة رايبي

4 بيضات كاس عبار رايبي زيت ك سنبدة 2 فور ص 3 خمرات فاني نخلط الكل حين تطيب نسقبهاب كاس ليمون مخلط مع سنيدة

كتف الغنمي معمر
الحشوة
200 غرام شعرية صينية مرطبة في الماء الساخن و نقطعوها
200 غرام كبدة الغنمي مقطعة قطع صغيرة و مشحرة في الزيت
بصلة مشلظة و محمرة في الزيت
ملحة ابزار و اسكنجبير و التحميرة و الزعفران الحر
2 ضروس التومة
ملعقة كبيرة زبدة
نخلطوا كلشي المقادير و نعمروا بيها الكتف و نخيطوه و نتكوه كامل بالموس تم ندهنه بالزبدة و الملح و الابزار و التومة مدقوقة و نحطوه في طنجرة كبيرة بعد ما و ضعنا فيها 3 معالق الزبدة +ربع كاس الزيت حتى تتشحر و نمرقوها بالماء حتى تتغطى و نضيف 8 ضروس التومة و بصلة كبيرة + نص ملعقة سكنجبير وشوية زعفران حر +الحرقوم البلدي و التحميرة و شوية الملحة و الابزار و نتركها حتى تطيب مزيان
ولما نبغيو ندخلوها للفرن تدهن بالزبدة و التحميرة و نتركها لمدة 15 دقيقة
و ترافق في طبق التقديم مع الخضر المطبوخة



البيض طايب في الميكة
5 البيضات نطربوهم مع الملحة و الابزار و اسكنجبير و الحرقوم و السودانية و نخلط الكل و نضعه في ميكة و نقفلوها مزيان
تم نعمروا الكوكوط بالماء و نحطوا فيه الميكة و نسدوا عليها حتى تطيب
قالت مولات الوصفة كيكون بحال الكاشير


المجبنة
كيلو اللحم ديال القطبان +لحية الشيخ +اليازير +قزبور يابس +كاس نصو حلبة و النص حب الرشاد
2 كيسان زيت العود+3معالق مساخن +الملحة
نقطع اللحم قطع صغيرة تم نخلط معه لحية الشيخ و اليازير و قزبور يابس و كاس الزيت العةد و نخلط الكل و نضعهم في غربال مفرش ليه توب حياتي و نتركهم يتشمسوا شوية مع المجبنة
تم نضعهم في اناء و نخلط معهم الحلبة و حب الرشاد و المساخن و الزيت الباقية تم نعمروا المجبنة و نخيطوها
مولات الوصفة قالت انها تصلح للكسكسي فقط



المروزية المكناسية
اللحم يكون فيه العظم الزيت البصلة مشلطة و نشحروا اللحم و نضيف الملحة و العطرية ديال المروزية و نسدوا الكوكوط حتى تقرب تطيب اللحم تم نحلوا الكوكوط و نضيف اللوز مسلوق و محمر و العسل و زعفران حر و زبيب و نترك الكل حتى يتعسل و يطيب





رغيفات العيد
كاس ماء الزهر
كاس الزبدة مذوبة
1 خمارة حمراء
بيضة
شوية ملحة و الطحين حسب الخليط
نجمعوا الكل بدون اضافة الماء تكون بحا عجينة المسمن
تم نطلقوها بالمدلك و نرشوها بالكاوكاو محمر و مهرمش تم نلويها حرابل غليظة و ندخلها للتلاجة لمدة ساعة تم نخرجوها و نقطعها و نورق كل قطعة تم تقلى في الزيت و تطفى في العسل ونزوقوها بكاوكاو مهرمش
اللحم مبخر
بصلة صحيحة +حفنة قرنفل+عود سكنجبير+عود خودنجل +عود قرفة+اللحم
في كوكوط نضع اللحم +البصلة بعد مانتكوها بحبات القرنفل+المقادير السابقة +الملحة ونسدوا الكوكوط مدة ساعة تم يقدم مع الملح و الكامون

كيكة الكوكوط
3 البيضات
كاس عنبة سنيدة
كاس الزيت
2 خمارات حمرين
1 لفاني
6 معالق كبار طحين عامرين
2 معالق كبار كاوبيل
نخلط الكل كالعادة و ندهنوا الكوكوط و نكبوا فيها الكيكة و نسدوا الكوكوط بلا صفارة و نحطوا الكوكوط فوق المقلة الوجدية اللي سبق و حطيناها فوق عافية مهيلة بزاف و نحسبوا ليها من ساعة اللاروب الى ساعة و ماتحطي الصفارة

تفاح معمر
4 كيلو تفاح كبير و احمر نقسموه و نحيدوا ليه العلف
و نضعه في طنجرة عريضة و نضيف كاس الماء +القرفة +السكر +ماء الزهر و نترك الكل على نار مهيلة مع تغطيته حتى يتعسل من الجهة السفلية و نقلبه حتى يتعسل من جميع الجوانب تم نحيدوه و نتركه جانبا
ناخدوا نص كيلو لوز محمر و مطحون +نص كيلو زنجلان محمر و مطحون +نص كاس زبدة مذوبة +القرفة و نجمع الخليط بالعسل اللي شاط لينا في المقلاة اللي سبق و عسلنا فيها التفاح
طريقة التزيين
نضع اللحم كل واحدة و طريقتها في الطبسيل تم نستفوا قطع التفاح بعد ما عمرناهم بخليط اللوز و الزنجلان و نزوقوهم باللوز صاين و محمر + زنجلان حبوب

فقاص على شكل ريالات
كيلو طحين
400 غرام زبدة مذوبة
300 غرام سكر كلاصي
4 البيضات
300 غرام لوز مقطع طريفات
2 خمارات حمرين
2 لفاني
شوية ملحة و شوية ماء الزهر و الماء دافئ
نجمعوا المقادير كلها و نحربلوهم رقاق تم ندخلهم للمجمد
ليلة كاملة تم نقطعهم دوائر صغيرة و ندخلهم للفرن حتى يتحمروا


شوربة الكرافس

الكرافس +3 جزرات +2 بصلات +شوية ملح و ابزار
نحطوا الكل في الكوكوط لينضج مع اضافة الماء و ملي تنضج الخضر نصفيوها و نطحنوا الخضر من غير ماء
و الماء اللي بقى لينا في الطنجرة نضيف له 1 بنة كنور

و ندوروه بالروز تم نضيف خليط الخضر المطحون

حلوى الكوك ديال الزنقة
نص كيلو كوك
ربعة السميدة الرقيقة
كيلو سكر سنيدة
10 بياض البيض

الاول نخلطوا غير نص كيلو سكر سنيدة و نطلعوا بيه البياض البيض تم نضيف الكوك و السميدة
تاني نحطوا نص كيلو سنيدة في مقلاة على عافية مهيلة و نبقاو نرشوا شويو بشوية الماء
غير حفينة ديال الماء عينك ميزانك حتى يبدا يتلصق
تم نضيفه الى الخليط الاول ونخلط الكل جيدا و نضعه في البوش
و نصنعوا وريدات في طاوة مفروشة و ندخله للفرن لمدة 15 دقيقة فقط

حلوة بالزبدة
500 زبدة ديال العبار ندلكوها مزيان تم نزيدو كاس سكر كلاص ودقيق حسب الخليط نديرو منها كويرات نبسطو كل كرة بيدينا ونديرو 3 لوزات الوسط ونتنيو طرف على طرف ونقطعوها بالكاس على شكل هلال لما تطيب فالفرن نزينوها بسكر كلاص

حلوة سباتة
كاس حليب دافي
كاس زيت
ملح
رابعة زبدة
دقيق
نصف كيس خميرة
للتزيين 2 الى 3 بياض بيض رابعة سنيدة رابعة شكلاط اسود رابعة كوك مربى
كنخلطو المقادير الاولى ونخليوها ترتاح نص ساعة من بعد نطلقوها تكون رقيقة نقطعوها دوائرندهنوهم ببياض بيض ونرشو سنيدة تم ندخلوهم الفرن يطيبو من بعد نلصقو كل جوجات بالمربى دافي وندرجو الجناب فقط فالشكلاط اسود مدوب والكوك





سباكيتي بسمك السيبيا
كنقطعو سمك السيبيا على شكل شرائح ونطيبوه مع التوم ملح ابزار زيت خرقوم
نسلقو سباكيتي فماء مملح تم نزيدوها على الحوت نزيدو ايضا شوية الماء من بعد نديرو الخليط فمول مدهون بالزبدة ونرشو عليه الفرماج وندخلوه الفرن 5 دقائق



رغايف معمرين بالدجاج
بصلة مشلضة هبرة دجاج قزبر معدنوس 1 م ص قرفة ملح 2 م سنيدة كنشحرو الخليط تم نجمعوه فالاخير ب3 البيضات ونعمرو بيهم المسمن بالطريقة العادية نطيبوهم فالمقلة او الفرن




زيتون مشرمل
رابعة زيتون مقطع
1 م ص ابزار
1 م ص ملح
1 م ص كامون
توم
الربيع
الهريسة
زيت
خل
نخلطو المقاديرونخليوه يبات ليلة كاملة ملي نبغيو نقدموه نزينو بالطون او البيض مسلوق



الطنجية مراكشية 100/100

كتاخدي اللحم او الدجاج او الراس اولحم الراس لي حبيتي +كامون حبوب +مصير اي حامض مرقد+ملح +سمن+تومة بقشورها
+كاس تاع الما على حساب صغر اللحم وسدي عليه الكوكوت وخليه يطيب على الشمعة راه كتجي رائعة بحال الا طيبتيها فالفرناتشي



الغريبة المشنتفة
رابعة زبيب مقطع رابعة لوز مقطع رابعة زبدة سكر كلاص حسب الدوق دقيق حسب الخليط نديروها على شكل غريبة ونشنفوها بالمنقاش وملي تطيب نزينوها بسكر كلاص

عصير
3 كيسان حليب غبرة كاس دانون كيلو الا ربع سنيدة فاني نديرو كلشي فبيدو ديال 5 لتر ونزيدو مقراج ماء طايب ونعمروه بماء بارد وبلا ما نحركوه نغطيوه بمانطا ونخليوه يبات حتى للصباح عاد نشربو منو





كيك بالشكلاط وبياض البيض
6 بيض
زلافة سنيدة
زلافة زيت
زلافة دقيق
3 خميرات
باكية كاوبيل
6 جزرات محكوكين
2 دراهم زبيب
2 دراهم كركاع مقطع
فاني
للتزيين

شكلاط اسود محكوك
نطربو 6 اصفر بيض و 2 بياض بيض مع سنيدة وزيت الجزر محكوك تم الدقيق والخميرات الشكلاط ندهنو مول ونكبو فيه نصف الخليط نزيدو الكركاع والزبيب يكونو مفندين فالدقيق تم نضيفو الخليط المتبقي والى الفرن من بعد نطربو بياض البيض المتبقي مع سنيدة الفاني يولي تلج ونديروه على الكيكة لما تطيب ونرجعوها الفرن شوية تم نزينو بالشكلاط اسود محكوك وندخلوها التلاجة


قريشلات حلوين
كاس عصير البرتقال
5 بيض
3 دراهم زبدة
رابعة سنيدة
2 دراهم نافع
2 دراهم جنجلان
كاس زيت
خميرة ديال الحلوى
دقيق
نخلطو المقادير العجينو خاصها تكون مرخوفة نديرو منها حرابل صغارونقطعوهم على شكل قريشلات تم الى الفرن

ديسير بالبسكوي
6 او 7 باكيات بسكوي
كريم باتسيير مخلطة مع قشرة حامض محكوكة
بنان على شكل دوائر
نسكافي
لوز مقلي مهرمش او شكلاط محكوك للتزيين
ندوبو القهوة فالماء بارد ندوزو فيها البسكوي ونستفوه فمول او بلاطو عادي كطبقة اولى نضيفوطبقة من الكريمة تم البنان عاد البسكوي تاني وهكدا حتى نكملو الطبقات وفي الاخير نزينو باللوز او الشكلاط




حساء للبرد وصفة من عند خالتي كنزة
رابعة البلبولة الرقيقة
زعتر
تميجا
فلييو
قزبر معدنوس
كرافص
فول
عدس
ملح
زيت
ناخدو الزعتر وتميجا وفلييو نديروهم فكموصة نديرو الماء على النار نضيفو الكموصة الفول العدس يطيبو ونضيفو البلبولة تطيب ونزيدو الكرافص الربيع وفي الاخير زيت الزيتون



الكنافة
نحضرو كريمة بنصف لتر حليب 2 م ماء زهر فاني نشا ما تكون عاقدة ولا جارية لما تطيب نديروها فالتلاجة تبرد تم نزيدوها دانون
نقليو وراق البسطيلة فالزيت ناخدو الورقة الاولى ندهنوها بالكريمة بالشيتة نرشو اللوز مهرمش مخلط مع شوية القرفة نزيدو ورقة ندهنوها بالكريمة تم اللوز وهكدا حتى نكملو الطبقات وفي الاخير نزينو بالفواكه الطرية او الجافة او الشكلاط تقدم

شوربة بالقمرون
3 بطاطا جزرة اوراق الخص بورو كرعة خضراء نسلقوهم بلا زيت بلا ماء
القمرون والحوت ابيض الا عندنا نشرملوهم بالزبدة ملح ابزار لما تسلق الخضر وتبرد نطحنوها ونردوها على النار ونزيدوها الحوت والقمرون و1 م صلصة الصوجا زيت الزيتون ملح تغلى شوية ونزولوها



البهلة
كيلو ونصف دقيق
رابعة زبدة نباتية
3 خميرات
3 كيسان زيت
3 كيسان سنيدة
كاس جنجلان محمر
ملح
نخدمو الزبدة وسنيدة مزيان تم نزيدو الزيت الخميرة جنجلان الدقيق واخا تبان لينا قصاحت خاص الدقيق يدخل فيها كامل نديروها فكوكوت ونسدو عليها 2 سوايع تم ندلكوها مزيان فقصرية من بعد نشكلوها غريبات نستفوهم فلاطة على ورق ما نديروهاش فلاطة مدهونة ضروري على ورق تم ندخلوها الفرن

ديسير
حك قشدة نطربوها مع 2 م سكر كلاص تعقاد شوية ونقسموها عل2 واحد نزيدوه دانون كراميل والتاني دانون بالشكلاط تم نديرو منهم طبقات فكؤوس مع الشكلاط غبرة



الجبن البلدي بالزعتر والتوم
نصف لتر حليب
نصف لتر لبن
2 فصوص توم
ملح
زعتر محكوك
نحكو التومة فالحليب ونديروه يغلى نصفيوه ونكبوه على اللبن بعدما نكون خلطنا اللبن مع الملح والزعتر نخليوه حتى يطلع الجبن الفوق ونديروه فتوب حياتي يتصفى من الماء تم نحطوه فشبكة ونضغطو عليه حتى ينشف نحطوه فاناء ونزيدوه شوية زيت الزيتون



شوربة
250غ لحم او دجاج / بصلة / مطيشة محكوكة / صف كاس زيت / شوية سمن/ شوية كرافص قزبر معدنوس/ ملح/
بزار/ خرقوم تحميرة /ضامة لبنة/ 2 حفنات شعرية نشحر الكل نضيف لما نخليه يطيب ثم ندورها بشعرية
كيكة
100غ فرماج محكوك
2 علب طون_نص كاس زيت العتبة طبعا_ن ك حليب_4 بيضات
شوية ملح بزار 1خمارة _2 كيسان دقيق نخلط الكل نوضع في لمول ندخلها للفرن


حسوة الكوليسترول
4 لفت بلدي_ربطة كرافص_زريعةالكتان_ نص معلقة زعتر_ملح_م زيت الدرة نطبخو الكل نشربها يوميا


الروز صغار

عينك ميزانك وصافي

الروز والحليب والسنيدة والكوك و اللوز مهرمش و الزبيب مقطع

نطيبو الروز مع الحليب و السنيدة حسب الدوق

نديروه من بعد فشي طبسيل غارق شوية

ندردرو عليه الكوك واللوز والزبيب وندخلوه للثلاجة






عصير
نص كيلو خيزو نصلقوه مزيان ونخليوه حتى يبرد ونطحنوه
2 بنانات
ياغورت طبيعي
والسكر حسب الدوق
نطحنو كلشي




كيكة من عند نفيسة من الرباط

المقادير
5 بيضات
كاس الزيت
كاس سنيدة
م صغيرة سكينجبير
ك صغيرة قرفة
كاس كركاع مهرمش
كاس تمر مقطع من الافضل يكون معجن شوية باش يجي معلك
2 خمارات
2 كيسان الطحين
لتزين

2 دراهم شوكولا اسود وقطع ديال الكركاع
الطريقة
غدي تخلطي اصفر ديال هدوك 5 البيضات نطربوهم مزيان ونزيدو عليهم السنيدة والزيت والعطرية نطربوهم شوية عاد نضيفو الكركاع والتمر مع الطحين و2 خمارات الحلوى وقريصة الملح
من بعد غدي نكونو طربنا مزيان ابيض البيض حتى يولي بحال الثلج
نضيفوه على الخليط الاول حيت كيكون الخليط الاول قاصح باش كنضيفو ليه ابيض البيض كيخفاف شوية

__________________

سلطة الباط الملونة



باط ملونة + بطاطة مسلوقة ومقطعة + جلبانة + جلبانة + ماييس + طون + ويخلط الكل وترافقها


صلصة


موطارط + المايونيز + خل + زيت البلدية + ابزار ابيض + ملح


حلوة مالحة


250 غ زبدة +500 غ طحين + 2 بصلات محكوكين ومعصرين من الماء + 1 ملعقة الموطارد + 100غ كاشير+100غ فرماج محكوك +ابزار + ملح +سودانية حارة /اختياري / نصف خمارة حمراء معدنوس مقطع تجمع المقادير والا متجمعاتش ضيفي الماء شوية حتى تحصلي على عجين لين وبسطيه بالدلاك وطبعي على شكل فراشة



الحرشة


نصف كيلو سميدة رقيقة


رابعة سميدة غليضة


كاس دانون فاني


نفس كاس دانون نعبرو بيه


كاس زيت


كاس حليب


كاس سنيدة


3خميرة الحلوى


نخلط جميع المقادير ونعملو منها كويرات نكرصوها في السميدة الغليضة ونعملوها في طاوة وندخلوها لفرن ساخن حتى تطيب وبالصحة


مولات الوصفة كتقول بلي هاذ الحرشة كتجي بحال ديال الباتسري



كونفتير


2برتقالات


1حامضة صغيرة


نعملوهم في المجمد ونحكوهم في الحكاكة العادية ونزيدو لتر ونصف الماء نعملوهم في الكوكوط وناخدو قالب السكر ونزولو ليه الراس الفوقاني ونستعملو النصف التحتاني وسدو الكوكوط حتى يطيب وها المربي واجد




سمن


كيلو الزبدة بلدية مغسولة من اللبن


كاس ملحة حية مطحونة


كاس ونصف الزعتر


لتر ونصف الماء


نعملو الزعتر والملحة يتبخو في الماء من نتركه يبرد ويصفى


ناخد الزبدة وندلكوها مزيان بالما ديال الزعتر والملح ونعملوهم في قريعات وندكوهم مزيان باش ميبقاش الفراغ ونعملو فوق منهم الحشف ديال الزعتر المصفىونغطيوهم بزيف حياتي ونسدوهم حتى يوجد السمن



كيكة بالتوابل


4 بيضات 4 خمارات 2ك صغار زيت 2 ك صغار سنيدة 2 م ص سكين جبير 2م ص قرفة 4 م نسكافي مدوبين في كاس كبير حليب 2 زلايف صغار دقيق



كاشير الاخت كريمة


كفتة الدجاج + 4 بيضات+2معالق روز مسلوق +2معالق سميدة رقيقة + شوية الملح + ملعقة كامون + شوية سادونية حسب الاختيار + تحميرة + ضامة البنة + 2 دروس توم + ملون احمر


الطريقة يطحن الكل في الطراب تم ناخد القالب ديال الكاشير او بلاستيكو ونشدوها من الجوانب بعدما نعمروها بالخليط ونديروها في ماء غليا ونسد عليها في الكوكوت مدة ساعة او ساعة لاروب


ملحوظة متعمريش الميكة بالخليط بزاف خلي شوية الفراغ لانه تيتنفخ



صلصة الحوت


زلافة المايونز


معلقة مطيشة الحك


معلقة الشونية


نخلط الكل في الخلاط اليدويوتقدم مع اناواع الحوت او الدجاج مشوي



صلصة الشاورما


ياغورت مسوس


2درس الثوممعلقة كبيرة الخل ملح وابزار



مايونيز بالثوم


زلافة المايونيز


2درس الثوم مهروسة


معلقة صغيرةالهريسة



صلصة الافوكا


حبة افوكا مقشرة


عصير حامضة2معالق قشدة طرية


معلقة كبيرة صلصة حارة


بصلة مشلدة ملح


نخلط الكل في الخلاط وتصبح جاهزة



شرمولة الدجاج


2معالق الزيت


4معالق سكين جبير طري محكوك


معلقة كبيرة المعدنوس مفروم


معلقة صغيرةالهريسة حارة


معلقة صغيرة سنيدة


نخلد الكل وندهن به الدجاج او اللحم تم نشوي او ندخله الفرن



صلصة الخل للسلطات


معلقة كبيرة موتارد


معلقة كبيرة خل


ملح ابزلر


كاس الزيت




حلوة بكاوكاو


كيلو كاوكاو خضر مطحون


500 سنيدة


4 بيض


1 خميرة حمرة


فاني


2 كيسان زيت


2 م عسل



للتزيين


رابعة سكر كلاص


نخلطو المقادير ونشكلوها اصابع لما تطيب نفندوها فسكر كلاص






طاجين لحم


كيلو لحم بقري


ملح ابزار


زعفران حر


خرقوم


1 م ك خل


1 م ص قرفة


ربع كاس ماء زهر


نصف كاس زيت


1 م زبدة


نخلطو كلشي ونخليوه يطيب تم نطيبو البرقوق فالماء و 3 م ماء زهر والمرق ديال اللحم يطيب ونزولو العضم ونعمروه بالكركاع تم نزينو بيه الطاجين مع جنجلان






شوربة


الحمص مفزك من قبل الكرعة حمرة كنديروهم يطيبو تم نطحنوهم من بعد نشحرو اللحم مع ملح ابزار البصلة عاد نزيدو الخليط لي طحنا لما نقدموها نزينوها بالقرفة والكراميل العادي ديال السكر



الكاشير


3 فرماجات


1 م ص كامون


ملح


1 م ص ابزار


كاس زيت


3 م ك دقيق


كنور


ملون احمر


نطحنو المقادير فالمكسور ونكبوه فبلاستيك الكاشير ومانعمروهش تم نديروه فكوكوت نغطيوه بالماه نسدو عليه يطيب 45 دقيقة يطيب وندخلوه التلاجة يبرد




كيك بالتمر والكركاع


4البيضات

كاس الزيت عنبة


كاس سنيدة --


2كيسان دقيق --


3 الخمارات


نصف معلقة القرفة


كاس تمر مقطع


كاس الكركاع مهرمش


اتخالطي جميع المقادير وماللي تطيب زينيه بالشكلاط دايب ومخلط بدانون وزوقيها بالكركاع



الشوكلاط ديال الدهن و هو ممتاز المقادير: 34 قطعة من شوكلاط مكاو +250g زبدة + حك حليب نيسلي


ندوبوا الشوكلاط في حمام مريم و ندوبوا كدلك الزبدة و نخلطوهم بزوج في الخلاط الكهربائي ثم نضيف حليب نيسلي و نخلط جيدا و اخيرا نضعه في الثلاجة و يقدم



كيكة الحاجة صفاء من اكادير


100g الزبدة + 100g سكر كلاصي + 100g اللوز مطحون+100g فورص + 3 بيضات +3 تفاحات مقطعين + 1 فاني + 2 خمارات


نخدم اولا الزبدة + السكر كلاصي + الفاني حتى اصير الخليط ابيض و نضيف بقية المقادير ونصبها في المول المخصص للكيك و نضع عليها التفاح المقطع و تتطهى مباشرة




رغايف


500 غ فورص + بيضة + 1 خمرة حلوة + نصف كاس زيت + م ك خل + قبصة ملح + شوية خرقوم بلدي تخلط العناصر جيدا و تدلك ثم تقطع مربعات و تقلى في زيت ساخن و نديرها في العسل و تزين حسب الرغبة




فقاص عادي


2 بيضات + دانون فاني + 2 كاسان زيت + 2 كاسان سنيدة + كاس لوز مقطع رقيق + 2 خمرات حمرين + دقيق حسب الخليط يجمع الخليط و يعمل حرابيل و تدهن بخليط نسكافيو صفر بيض ثم تدخل الى الفرن نصف طيبة ثم نتركها ترتاح شي ساعة و تقطع و ترجع الى الفرن


نعبر بكاس عنبة



براونى بالكراميل


2بيضاة 2م ك سنيدة 4 م ك طحين 150 غرام زبدة 1 خمارة


كاس كركاع مهرمش


للتزيين


علبة نستلى وكركاع



الطريقة


ضعى نستلى فى الكوكوت بها لتر ونصف ماء لمدة ساعة بعدها طربى البيض مع سنيدة + الكراميل المحضر ناقص منو 4 م ك للتزيين+150 زبدة+دقيق مخلط فى زلافة مع الخميرة يخلط بلعقة خشبية يصب فى المول مدهون بالزبدة ومرشوش بالدقيق يدخل للفرن ويزين ببقية الكراميل وانصاص الكركاع


فقاص الكوك


زلافة متوسطة زيت + زلافة سنيدة + زلافة الكوك + زلافة البيض اي 6 بيضات + 2خمارات + قبصة الملح


ويجمع الكل وينعمل حرابل ويشرط بالفرشيط ويدهن بالبيض ويدخل يطيب وفاش يخرج يبرد وقطع يقطع طريقة معروفة



عصير الليمون والحامض



ليمونة كبيرة + حامضة بقشورها +لتر ماء السنيدة حسب الدوق



ام سارة


كعك 2 كيسان ماء + 2 كيسان سنيدة + 2خمارات +فاني +قرصة ملح +شوية زنجلان نافع حبة حلاوة +2 كيسان زيت + طحين حسب الخليط


يخلط الكل ويدوز في مكينة الخاصة بالكعك ديال الكفتة تم نشكل الكعك كما نريد



كعب الغزال


العقدة


نصف كيلو لوز + رابعة سنيدة + مسكة الحرة + شوية ماء زهر


العجين


نصف كيلو طحين +3معالق زبدة + قبصة ملح+ 1 ملعقة سكر كلاصي + كاس زهر + صفر بيضة


العجين تكون شوية قاسحة شادة راسها


بالنسبة للعجين يقطع قريصات وتوضع ترتاح تم نعمل الكعب وفاشنشكلوه ندهنو بالزبدة ونتقبوه نخليوه يبات و نضع في الفرن يطيب من الفوق وفاش نبغيو نزلوه للتحت ندهن به خليط مكون من نصف كاس زيت وبياض بيضة حت نحصل على لون دهبي



نيسلي -حليب مركز -


كاس حليب غبرة + كاس سنيدة + كاس ماء يطرب الكل تم يوضع فوق نار هادئة 10 دقائق تم يخلط بملعقة خشبية ونصب في قرعة زاج حتى تبرد ونغلق بالغطاية ونضعها في الكوكوت مع ماء كافي ونسد عليهم الكوكوت حتى طيب



كاشير منزلي


4بيضات +2فرماجات +بنة بقري+ كاس زيت +كاس طحين +ملعقة كامون ربيع مفروم +2 دروس تم تم ينعه في بلاستيكة ونسد الجوانب ويوضع في الككوت على نار مهيلة لمدة ساعة



حرشة


2 كيسان سميدة + كاس حليب بارد +نصف كاس زيت +نصف كاس سنيدة + خمارة + فاني + ملعقة زبدة دايبة + بيضة


يخلط الكل تم في الاخير الحليب تم نضعها طيب في مقلة طيفال



طارط زكية من الفقيه بن صالح


4 بيضات + كاس زيت + كاس سنيدة + حامضة محكوكة +1 خمارة + طحين حسب الخليط


نحتفط بقرص من العجين للتزين



للتزين الكونفتير


ناخد العجين ونضعها في مول مدهون ونتقبها شوية تم ندهنها بالكونفتير وناخد القرص لي خلينا ونضع معه الطحين حتى تقساح ونحكها في الحكاكة على الطارط جيدا وندخلها للفرن




مقادير الكيك


بيضة 50ريال الزبدة


1خميرة 1فاني


2كيسان عنبةدقيق


2معالق سنيدة


ناخذ هاد المقادير كاملة وكنفتلوها بحال الكسكس وتعمل في البوصيارونغربلوها


ناخذ مول نعمل طبقة من الكسكس زائد طبقة من الكريم باتسيير زائد طبقة من الكسكس وتدخل الفرن


فلان من لالة مولاتي


المقادير


5دراهم شكلاط مربع


نصف لتر الحليب


بيضة


1فاني


ملعقة و نصف فورص


سنيدة حسب الدوق


الطريقة


ندوبو الشكلاط مع الحليب فوق نار هادئة حتى يدوب الشكلاط ٠


في خلاط كهربائي نظيف جميع العناصر و تطرب جيدا ثم نضع الخليط فوق نار هادئة 5دقائق ثم يوضع في كيسان و يدخل الى الثلاجة حتى يبرد و ياكل٠



طورطة بالشكلاط




مقاديرالعجين 4علب بسكوى الكوك كاس زبدة مدوبة 1فانى اصفر بيضة




الحشو 150 غ قطع شكلاط اسود 400غ جبن ابيض 120غ سنيدة علبة قشدة طرية 2 بيضاة م ك قشور حامضة محكوكة




التزيين

قطع شكلاط اسود



الطريقة


طحنى البسكوى +الزبدة والفانى واصفر البيض حتى تحصلى على عجين دخليه للثلاجة بعدما تسرحيه فى مول دائرىثم حضرى الحشو فى حمام ماريا دوبى الشكلاط ثم دوزى لتحضير الكريما خدى الجبن +سنيدة يطرب جيدا+قشدة طرية+البيض +قشور الحامض ثم ضيفى الشكلاط المدوب على ان يكون باردا خرجى الطورطة صبى الكريما دخليها للفرن 30 د بعدها دخليهالثلاجة جهة المجمد 2س وزينيها بالشكلاط محكوك




حلوة النخالة


3البيضات


كاس صغير سنيدة


كاس صغير زيت


175 غ كوك


250 غ نخالة


خمارة واحدة


نجمعو كلشي وتعمل اصابع وتطهى



عصير البنان


لتر لبن


2 بنانات


كاس دانون سنيدة حسب الدوق يطحن الكل في مولينيكس




محنشة بالخضر


2 جزارات


2 كرعات


بصلة


فلفلة خضرا وحمرا


كفتة او الطون


تقطع الفلفلة وتوضع في مقلاة مع الزيت وتترك تشحر تم نضيف بصلة وجزر والكرعة محكوكين تم نضيف ابزار كامون طحميرة وسودانية تم نضع الكفتة ونترك الكل يطهي


العجين


دقيق فورص شوية الخميرة ماء وتدلاك جيدا تم نبداو انعمرو علا شكل محينشات صغار اندهنوهم بالزبدة ويطيبو في الفرن




حلوة عنقود العنب


500 غ لوز مسلوق ومقشر


250 سكر كلاصي


نصف معلقة المسكة الحرة


6 قطرات الملون الاخضر


ماء الزهر لجمع اللوز


لتزيين


اعواد حب الملوك


بعدما انحضرو العقدة انحضرو منها كويرات صغار انديرو 4 الكورات تم 3 الكورات تم 2 تم 1 ونضع الفوق عود حب الملوك

بسبوسة
زلافة سنيدة + زلافة لاروب زيت+3خمارات +4بيض+زلافةاللوز مطحووووون بالقشرة+1ملعقة القرفة+كأس حليب+زلافةسميدة رقيقة خلطي المقادير كلها مزيان تم خدي مول مستطيل دهنيه مزيان ثم خوي الخليط دخليها الفرن خرجيها سخونة مباشرة سقيها بالسيرو 3م زهر مع كأس عسل مسخن فوق النار تم زينيها بالوز مهرمش والكوك

عصير مفيد في وقت الامتحان
عصير الليمون
بنانة
شوية الكركاع
دانون قاني
زبيب
سنيدة
يخلط الكل في مولينيكس

كورني باللوز
500غ اللوز مصلوق 400غ سكر كلاصي 2ملاعق الفوندو 1ملعقة صغيرة نسكافي دايبة 1م٠ك الماء 2م٠ك كاكاو أبيض البيض المطرب للتزين 500غ شكلاط أسود 6م٠ك زيت 250غ اللوز مصلوق ومحمر
صلقي اللوز٠تم٠طحنيه الطحنة التانية طحنيه مع السكر كلاصي تم يخلط الكل بأبيض البيض المطرب ثم تعمل العقدة على شكل أصابع بحال كورني تم تغطس في شكلاطأسود تم تفند رؤوسها في اللوز المصلوق و مقلي ومهرمش

الحلوى الملفوفة بالشكلاط و البرتقال
المقادير:
يمكن استعمال نصف كمية المقادير إذا كانت الطاوة صغيرة.
6 بيضات
150غ سنيدة
90 مل زيت
1 كيس فاني
1 كيس 15غ خميرة الحلوى
180غ طحين

بالنسبة للحشوة:
شكلاط للدّهن
قشرة برتقالة محكوكة

بالنسبة للسيرو للسقي:
عصيربرتقالة
1/2 كأس من الماء
سكر حسب الذوق
سكر كلاصي للتزيين

الطريقة:
نخلط البيض و الزيت و السكر و فاني.
نضيف الطحين و الخميرة و نخلط.
نضع الخليط فوق لاطة مغلفة بورق السولفوريزي و تطهى في الفرن لمدة 10 إلى 15 دقيقة.
بعد إخراجها من الفرن نلويها في ثوب مبلل ثم نلويها على نفسها و نتركها تبرد.

نحضر السيرو للسقي.
نسقي الحلوى ثم ندهنها بالشكلاط و نرشها بقشرة البرتقال و نلويها على نفسها.
نزينها بالسكر كلاصي.


جينواز
6 البيضات
2 كيسان سنيدة
2 كيسان دقيق ويلا ابغيتيها بالشكلاط نقصي 2 معالق دقيق وعوضيهم بالكاكاو
اتعزلي صفر من ابيض طربي البيض مزيان احتا يوالي ابحال التلج
خلطي صفر البيض امعا سنيدة عاد زيدي الدقيق وخلطي عاد زيدي ابيض البيض وخلطي كلشي وخوي الخليط في لاطة مفرشة بورق سورفيريزي ضروري باش اتجيك ساهلة تلويها
ماللي تطيب وهي باقا سخونة لويها وخاليها احتا تبرد عاد سقيها بالقهوة سوبي كاس اديال القهوة وديبي فيه سنيدة وسقيها مزيان قاد ماسقيتيها غادة تجي مزيانة من بعد طربي كريم شونتيroyal دهنيها كلها وحكي الشكلاط الاسواد في الحكاكة الغليضة ورشي الحلوي كلها وهاهيا حلوى
طرطة اللوز
المقادير
200غ دقيق/100غ زبدة /معلقة صغيرة سنيدة /شوية الملح/ونجمع الكل ببيضة وحدة وفي حالة متجمعاتش نزيد شوية الماء
الطريقة ناخد العجين وندلكها بالدلاك وناخد مول ندهنه بالزبدة و الطحين ونسرح العجين ونتكها بالفرشيط وندخلها للفرن حتى تشد راسها اي نصف طيبة من بعد نحضر باش غادي نزين الطرطة
للتزين طرطة

200غ لوز مطحون /100 غ سنيدة /2بيضات/شوية قرفة نصف كاس من الحامض/شوية الزبدة 2 تفاحات مقشرين ومحكوكين نخلط المقادير ونصب فوق الطرط ونزينها برقائق اللوز وندخلها للفرن فاش طيب ندهن بالناباج
روز بالشعرية
المقادير شوية الشعرية نديرها في الكوكوت مع زيت حتى تحمر ونضيف عليها 2 كيسان روز مع 2 زلايف ونصف ماء مع ضامة البنة والتوابل نسد عليهم الكوكوت ربع ساعة حتى يطيب الروز يمكن مرافقته مع الدجاج او الكفتة

تكتوكة
ناخد مطيشة نحيد ليها الزريعة ونقشرها تم نضيف العطرية كاملة ونخليوها تشحر
ناخد الفلفل نحيد ليها راس والزريعة نرش فيها الملح والتوم محكوك و القزبر مطحون ونرد ليها الراس ونقليها
فاش تقلى نحيد ليها الجلدة ونديرها شرائح ونضيفها على مطيشة وهاهي تكتوكة واجدة

كيك
رابعة الزبدة/ رابعة السنيدة/ رابعة طحين 2/ خمارات 2/ فاني/ 4 بيضات
الطريقة ترمل الزبدة تم وسنيدة تم الفاني البيض تم الدقيق والخميرة
كيك حلوة كريم
4 بيضات/120 دقيق ناقص 2 معالق /2 معالق كاكاو /خمارة /شوية الملح/كاس قهوة قاسة /100غ قشدة طرية /100غ شكلاط
الطريقة
يخدم البيض السكر في مولينكس حتى طلع تم الدقيق تم الكاكاو تم الخميرة نخلط جيدا ونخويه في المول
طريقة التزين نخدم القشدة الطرية مع السكر كلاصي في مول بارد تم نقسم الطرطة ونسقيها بالقهوة تم نضيف الكريم ونغطيها بالنصف التاني ونزينها باقي الكريم

طرط بالفلان
2 بيضات / 12 ملعقة طحين / 7 معالق زيت /7 معالق سنيدة / 7 معالق عصير ليمون /فاني / خمارة

الطريقة
يخلط البيض وسنيدة والفاني الزيت تم الليمون الطحين الخمارة ونصب في مول دائري
للتزين كاس ليمون + فلان يغلى في عافية مهيلة
نخرج الكيك نستف الفواكه تم نصب الفلان واللمون وندخلها للتلاجة


بايلا بالقنية
نصف قنية مقطعة نملحوها ونقليوها فالزيت
2 فلفلات خضرين مقطعين نملحوهم و نقليوهم فالزيت
نشحرو الطماطم فشوية زيت ملح ابزار و نزيدو القنية الفلفلة الربيع تم ناخدو 500 غ روزمنقي ما مغسولش ونقليوه فشوية زيت مع 3 او 4 ضروس توم يتحمر شوية ونزيدوه على الخليط الاول نزيدو ايضا ماء طايب حك جلبانة الربيع كاس الا ربع صغير زيت الزيتون خرقوم ملون نحركوه شوية ونخليوه يطيب

كريمة باللوز
100 غ لوز مسلوق مقشر تقريبا 30 لوزة نطحنوه مع نصف لتر حليب تم نزيدو قرفة فاني 2 م ك نشا ونديروه على نار مهيلة مع التحراك حتى يعقاد من بعد نديروها فزليفات وندخلوها التلاجة

كوكيز بالكركاع
55غ زبدة /85 غ سنيدة /60غ طحين الفورص /ملعقة منسم فاني سائل او كيس فاني /60 غ كركاع مهرمش
الطريقة
نخدم الزبدة بالطراب حتى تولي بحال البوماض ت نضيف سنيدة مع التطراب تم الدقيق تم المنسم تم الكركاع وناخد لاطة نفرش فيها ورق الزبدة ونضع كويرات ونضغط عليهم بالفرشيط تم ندخلهم الفرن فاش تخرج باقة سخونة نرشها بسنيدة

كيكة السباعية
7معالق حليب
7معالق زيت
7معالق سنيدة
7معالق فورص
2خميرة 1فاني
نخلط الكيك عادي نعملوها في مول نستفو التفاح دوائر فوقهاونرشو فاني من فوق وندخلوها الفرن مني تطيب نسقيوها بكاس عصير البرتقال

حلوى مشكلة
رابعة الزبدة
2كيسان السنيدة
2بيضات
1خميرة شوية الزهر
الدقيق حسب الخليط
تطلق بالدلاك وتقطع مثلثات يغطس الوجه ديالها في ابيض البيض والكاوكاو مهرمش او اللوز

عتيقة من البيضاء

طارط بالفريز
250 طحين /قبسة ملح / معلقة سنيدة كبيرة/ 125 غ زبدة
نعجن الطارط وندلك وسط بابي سولوفان
ندهن المول بالزبدة ونقلب في مول طيب من بعد

كريمة
4 معالق سنيدة/ نصف لتر حليب /3 اصفر بيض/ فاني /على عافية مهيلة حتى يعقاد
تم نضيف الحليب بشوية
تم نصب كريم نقسم الفريز ونستفوه فوق الطرط ونسقيوه بسيروا
سيرو
كاس ماء نصف كاس سنيدة سنيدة 2 معالق حامض
كيك بالاناناس
.علية اناناس/ 150سنيدة/ 200غ طحين 50 غ سنيدة/ 150 غ زبدة مدوبة 4 بيضات 2/ خمرات
الطريقة
علبة اناس ونصف سيروا العلبة نفرغوها في المول ونضع فوقه 50 سنيدة ونخليو انناس يتعسل شوية
نخلط كيك 150 سكر مع الفرينة والزبة وكل العناصر ونفرغ فوق المول تم الى الفرن


امينة
حلو كاوكاو بكوبيل
نصف كيلو زنجلان /نصف كيلو كاوكاو رقيق/ بكية كاوبيل نصف معلقة قرفة شوية ماء زهر عسل رابعة كوك كيلو
ناخد الزجلان نحمروه وكاوكاو مطحون وزنجلان غير شوية تم القرفة والشكلاط والماء الزهر والعسل والكوك
نشد المقادير نديروهم في كويغطات

طون
2 كيلو كبايلة نسلخوها من الجلدة في كوكوت نصف حامضة زعيترة الزعتر كاس زيت العود وكاس زيت العادي ضامة البقري شوية كامون شوية تحميرة شوية حارة 4 دروس توم سدي عليه على هافية مهيلة بعد عشر دقائق تم نحلو ونحركو ونكبو عليه زيتون مقطع


سيروا لسقي الكيك
نصف كيلو ليمون ليمون 3 معالق سنيدة يتبخ نسقيو بيه الكيك او ساشي ليمون في كاس ماء ونسقيو بيه الكيك



الدجاج على الطريقة التقليدية
دجاجة نصف ماطيشة محكوكة بصلة مشلضة 3 الى 4 فصوص توم مدقوقين مع الربيع القزبر يكون غالب على المعدنوس عصير نصف حامضة خضراء ملح ابزار سكنجبير بسيبسة قع قلة سمن زعفران شعرة خرقوم بلدي خرقوم ملون كاس صغير ماء نخلطو كلشي ونشرملو فيه الدجاج
نديرو فطنجرة زيت زيتون زيت عادية نزيدو الدجاج الماء نخليوه يطيب بلا مانغطيو الطنجرة كاملة ولما يطيب نزولو الدجاج ونحمروه فالفرن والمرقة نزيدوها زيتون وحامض تغلى شوية ونزولوها يمكن لنا نقطعو الدجاجة على 4 عاد نطيبوه

كيك سريع التحضير من لالة مولاتي
المقادير
4بكيات صابلي كبير
فلان فاني
فلان شكولاطة
للتزيين
الفواكه المتوفرة
الطريقة
ناخد مول نضع في الطبقة الاولى البسكويت والثانية فلان الشكلاط محضر على الطريقة العادية والطبقة الثالثة البسكويت والرابعة فلان الفاني محضر على الطريقة العادية يدخل المبرد حتى تبرد و تزين بالفواكه تقدم باردة.


بيني معمر
العجين
نصف كيلو طحين 50غ زبدة شوية الخميرة مرخوفة فاني بيضة ملح نصف كاس ماء زهر نصف كاس حليب تدلك جيدا تم نخليوها تخمر

الحشو
2 بطاطات مسلوقين ومقطعين مربعات 2 بيضات مسلوقين ومحكوكين زيتون مقطع حك طون بالزيت ديالو شوية الربيع فلفل مشوي ومقطع فرماج محكوكو
ناخد العجين ونطلقها ونقطعها دوائر نخليوها تخمر تم نقليوها في الزيت تم نعمرها بالحشو


كيك الاخت فتيحة
المقادير
3 بيضات /زلافة صغيرة زيت /زلافة صغيرة سنيدة / زلافة صغيرة ماء دافئ /فاني /2خمارات /دانون 2/معالق كاكو/ الدقيق حسب الخليط
الطريقة
نطيب الماء سنيدة وكاكاو حتى يتبخو مزيان تم نخليوهم يبردوا نضيفو بيضة ونطرب وبيضة ونطرب حتى نكمل البيض تم الدقيق مع التطراب تم نصبها في مول وندخلها للفرن 45 دققية على درجة 160 فاش تخرج نسقيها بالسيروا ماء والحامض ونزين بدانون ولوز مهرمش
بيتزا للاخت سلوى
مقادير العجين
300غ دقيق+كاس حليب+معلقة كبيرة خميرة +الزبدة +ملح شوية الابزار //بيضة

الحشو
2 حبات الدنجال + صلصة مطيشة +شوية الزيت+ الفرماج محكوك +الزعتر+ زيتون اسود +العطرية الملح +الابزار+ تم الربيع +شوية الطحين
طريقة العجين
ونسخن الحليب والزبدة والخميرة
في ايناء نضع دقيق والبيض مع ملح الابزار تخلط جيدا ونجمعها ب الحليب والزبدة والخميرة ونطلقوها بنديروها في المول وندخلها للتلاجة بما نوجد الحشو
نشحر صلصة الطماطم مع العطرية والزيد
ونشد الدنجال نقيه ونقطعه شرائح طوينة ونقليه تم نشد العجين دير ليها الصلصة تم نستف شرائح الدنجال ونحك الفرماج وندخله للفرن



طورطة بالحامض
3بيضات كاس سنيدة
كاس زيت
2كيسان ونصف الدقيق
نصف كاس الحليب
1فاني 2خميرة
نخلط المقادير وندخلها الفرن

الكريما
نصف لتر حليب
3معالق غبرة الكريم باتسيير
3حامضات معصورين
3معالق سنيدة
نخلط الحليب مع الكريم باتسيير مع الحامض مع سنيدة ونعملوهم فوق البوطة وحنا نحركو حتى الحصول على كريم تقيلة نزولوها من العافية ونعملوها في الكيك من بعد منخرجوها من الفرن وندخلوها لثلاجة حتى تبرد ونقدموها


طورطة بالليمون
المقادير 5 بيضات+كاس زيت+4 خمارات+كاس و نصف سنيدة+كاس عصير ليمون+رابعة طحين+شوية خميرة معجنة
السيرو
كاس كبير عصير ليمون+2 فاني+3 م ك سنيدة
الطريقة
نخلطو كل مقادير العجين و ندخلوها للفرن
ملي تنضج الطورطة نسقيوها بالسيرو و نرشوها بكاوكاو واو لوز مهرمش

الروز مرافق للدجاج
في الكوكوط نعملو بصلة مشلدة مع معلقة الزبدة شوية الملح وشوية البزار نزيدو الروز والجلبانة الجزر مربعات زائد الما الكافي ونعملوه يطيب ويقدم مع الدجاج
شوربة
2 طماطم محكوكات بصلة مشلضة 1 م مركز طماطم ربيع كرافص مدقوقين كنور ديال الحوت ملح ابزار الماء نديرو هاد الخليط على النار يغلى تم ندوروها بالبلبولة ديال الشعير نزيدو اي نوع حوت ابيض عندنا وكلامار وفي الاخير الربيع


مقادير لصوص بيشاميل
الشيف ضيف برنامج للامولاتي
نصف لتر حليب
30غ القيق
30غ الزبدة
ملح ابزار الكوزة
الطريق المعتادة اللي كلشي كيعرفها

المايونيز التقليدية
صفر البيض لموتارد الخل الملح الابزار الزيت
الى مبغيناش نعملو اصفر البيض نعوضوه بابيض البيض ةكتجي زوينة بالفعل كتجي زوينة انا مجرباها وكنستعملها في البيت
المدة اللتي يمكن حفضها في الثلاجة 3ايام فقط

مقادير العجين المورق
900غ الدقيق الخاص بالحلويات
300غ الزبدة ماركرين
الماء والملح
سلطة الفواكه
كيوي/ اناناس /برقوق/ التفاح/ البنان/ الفريز/ الليمون معصر/ نقطعوهم ونخلطوهم مع ياغورت ونزين بالفريز والكركاع واللوز ونقدموه


مسمن بالتفاح
نصف كيلو طحين /معلقة زبدة/ خمارة/ يعجن بالماء دافئ ويورقوا بحال المسمن ناخد دوائر التفاح ونضعها وسط الرغيفة وتجمع من الوسط ونشدوها بالشكلاط

كيك الصغيرة -ايمان-

4 بيضات /كاس سنيدة/ كاس زيت /2 معالق كاكا 2/ كيسان طحين 2/خمارات /نطربوهم مزيان وناخد مول مرشوش ونصب فيها الخليط وفاش تبرد ندهنوها باشما بغينا كونفتير او العسل

باكيط معمر -جميلة -

زلافة طحين نصف كاس زيت شوية ملح يعجن بالحليب دافئ يخمر ونغطيوها
الحشو
بصلة مشلضة الفلفل على انواعها شوية معدون شوية ابزار شوية الملح كفتة دجاج او بيبي او صوص
ناخد العجين ونطلقها بحال المسمن طول ونديروا الحشو ونرشو عليها الفرماج ونلفوها وناخد الموس ونشرط بيه البكيط وندهنوها باصفر البيض وندخلها للفرن



الحمام معمرمن عند فاطمة الداودي من مراكش
12 حمامة
نصف كيلو كفتة
رابعة الكبدة
2كيسان اللوز مقلي ومهرمش
حامضة مصيرة الزعفران الحر
الابزار القرفة الخرقوم السمن الثومة مدقوقة نصف كاس الزيت 4 البيضات
ناخدو العطرية نشرملو فيها الحمام ونعمروهم بالحشوة اللي متكونة من الكفتة والبيض والكبدة واللوز ونسدوهم بعود الالسنان
ناخدو طنجرة ونعملو فيها العطرية اللي سبق شرملنا فيها الحمام كاملةزائد معلقة الزبدة والمروزية والزيت يتقلى شوية ونضيف الحمام زائد البصلة مشلدة ونتركه حتى يطيب الحمام وندخلوه الفرن يتحمر شويةفي هد الاثناء كنزيدو في الطنجرة 2معالق العسل ونتركه حتى يتعسل
نعملو الحمام في الطبسيل نزيدو الدغميرة ونزوقو باللوز
كيش بالكفتة
العجين
250غ الفورص
نصف معلقة صغيرة الملح
نصف معلقة سنيدة
125غ الزبدة طريفات صغار
بيضة
في اناء نعملو الفورص الملح سنيدة ونجمعوهم بالزبدة باطراف الاصابع حتى نحصلو على عجين مرمل نضيف البيضة حتى نحصلو على عجين مرخوف يورق ويعمل في مول دائري ويتك بالفورشيط ويدخل الفرن يطيب نصف طيبة مدة10 دقائق
في هد الاثناء نوجدو الحشوة
في مقلاة نعملوالزيت مع بصلة كبيرة مشلدة مع 2خيزوات محكوكين مع 2كرعات خضرين محكوكين شوية الملح والابزار نزيدو رابعة الكفتة مع معلقة كبيرة قزبر مفروم نترك الكل يطيب ونطفيو البوطة ونعملوهم فوق العجين اللي طاب نصف طيبة ونزيدو عليهم من الفوق هد الخليط المتكون من 3بيضات علبة ديال لاكريم فريش الملح الابزار وندخلو لكيش ديالنا الفرن تكمل الطياب وتقدم
 

__________________

‏ليست هناك تعليقات:

إرسال تعليق

إجمالي مرات مشاهدة الصفحة